हनुमाननगर झोनमधील २८ अतिक्रमणांवर चालला बुलडोझर

या कारवाईत २ ठेले जप्त करण्यात आले.

नागपूर : महापालिकेच्या प्रवर्तन विभागामार्फत हनुमाननगर झोन अंतर्गत अतिक्रमण कारवाई करण्यात आली. यात छोटा ताजबाग, म्हाळगीनगर, बेसा पॉवर हाऊस, सुपर स्पेशालिटी हॉस्पीटल या भागात कारवाई करून रस्त्यावरील व फुटपाथवरील अवैध पद्धतीने लावलेले २८ अतिक्रमण काढण्यात आले. या कारवाईत २ ठेले जप्त करण्यात आले.

तसेच मंगळवारी झोनमध्ये पागलखाना चौक,  मानकापूर चौक, जाफरनगर ते दिनशा फॅक्टरी पर्यंत कारवाई करण्यात आली. रस्ते व फुटपाथवर झालेले अतिक्रमण मोकळे करण्यात आले. धंतोली झोनमध्ये बाजारात कारवाई करण्यात आली.  ३ ठेले जप्त करण्यात आले. ही कारवाई सहा. आयुक्त हरिष राऊत, प्रवर्तन अधिक्षक संजय कांबळे यांच्या मार्गदर्शनात विनोद कोकरडे, भास्कर माळवे यांच्या पथकाद्वारे करण्यात आली