शाळा, अपार्टमेंट व हॉटेल्सच्या जलतरण तलावांचे सेफ्टी ऑडिट करा, राष्ट्रवादी अर्बन सेलची मागणी

आकडेवारीनुसार, गेल्या वर्षी भारतात ९.३ टक्के अपघाती मृत्यू हे बुडण्यामुळे झाले होते

नागपूर : शहरातील सर्व जलतरण तलावांसाठी दर्जा राखला जाईल याची खात्री करण्यासाठी कोणताही सरकारी विभाग जबाबदार नसल्यामुळे, जलतरणपटूंना पूल व्यवस्थापनाच्या दयेवर सोडले जात आहे. सुमारे ५० टक्के जलतरण तलावांना परवाना नाही. त्यांच्याकडे पुरेसे सुरक्षा उपाय नाहीत आणि प्रशिक्षित प्रशिक्षक नियुक्त केलेले नाहीत. त्यामुळे निकषांचे उल्लंघन करणाऱ्या अशा जलतरण तलावांवर कडक कारवाई करावी, अशी मागणी अर्बन सेलचे अध्यक्ष श्रीकांत शिवणकर यांनी जिल्हाधिकारी व महापालिका आयुक्तांकडे केली आहे.

जुलै महिन्यात प्राईड हॉटेलच्या स्विमिंग पूलमध्ये बुडून एका५० वर्षीय व्यावसायिकाचा मृत्यू झाला होता. हॉटेल व्यवस्थापनाच्या हलगर्जीपणामुळेच मृत्यू झाल्याचा आरोप मृताच्या नातेवाईकांनी केला असून व्यवस्थापनावर पूल बंद करण्याची कारवाई करण्याची मागणी कुटुंबीयांनी केली आहे. नॅशनल क्राईम रेकॉर्ड ब्युरोच्या ताज्या आकडेवारीनुसार, गेल्या वर्षी भारतात ९.३ टक्के अपघाती मृत्यू हे बुडण्यामुळे झाले होते.

नागपूरसारख्या मेट्रो शहरांमध्ये हॉटेल्स, अपार्टमेंट कॉम्प्लेक्स, शैक्षणिक संस्थांसह अनेक जलतरण तलाव आहेत, तथापि, त्यापैकी अनेक मूलभूत सुरक्षा निकषांचे पालन करत नाहीत, ज्यामुळे अपघाती बुडून मृत्यू होतो. शिष्टमंडळात संजय जोशी, एकनाथ फलके, मेहबूब पठाण, संदीप खंगार ,संदीप बुरडकर, घनश्याम शाहू, मिथिलेश फटिंग,वेदांत जोशी, देविदास चंद्रयान, संदीप उके, जाकीर शेख, नदीम खान, सचिन पाटील आदींचा समावेश होता.

या मुद्यांकडे द्यावे लक्ष

- शहरी भागातील जलतरण तलावांसाठी लाइफ गार्ड हे महाराष्ट्र एमेच्योर स्विमिंग असोसिएशन कडून प्रमाणित असावेत. शासन परिपत्रकात स्पष्ट करण्यात आले आहे की स्थानिक स्वराज्य संस्थांना सुरु असलेले किंवा नवीन पुलांसाठी प्रशिक्षित जीवरक्षक नेमावे लागतील, जे अपघाताच्या वेळी प्रथमोपचार प्रदान करण्यास सक्षम असतील.

- शहरात खासगी पूल झपाट्याने वाढत आहेत आणि अपघात टाळण्यासाठी प्रत्येक जलतरण तलावाचे ऑडिट करणे आवश्यक आहे.

- सरकारी मार्गदर्शक सूचना खासगी तलावांनी पाळल्या पाहिजेत जसे की प्रथमोपचार पेटी, ऑक्सिजन सिलिंडर, श्वासोच्छवासाचे उपकरण, श्वसन यंत्र, लाईफ जॅकेट, लाईफ बेल्ट, स्ट्रेचर, लाईफ सपोर्ट. हुक, कार्डिओ पल्मोनरी रिसुसिटेशन, पॉकेट मास्क, रेस्क्यू ट्यूब आणि लाइफगार्ड जे या गरजा पूर्ण करतात.

- एक आपत्कालीन प्रतिसाद किट असावा ज्याचा उपयोग जीव वाचवण्यासाठी केला जाऊ शकतो. तसेच पाण्याची पीएच पातळी ७.५ ते ८ च्या दरम्यान असावी, जर पातळी ८ पेक्षा जास्त असेल आणि क्लोरीन अधिक असेल तर गुदमरून बुडण्याचा धोका संभवतो.

- त्यामुळे वर्षातून दोनदा जलतरण तलावाचे सेफ्टी ऑडिट व्हायला हवी.