रेती वाहतुकीचा टिप्पर पकडला

लाेकमत न्यूज नेटवर्क

उमरेड : पाेलिसांच्या पथकाने गस्तीदरम्यान उमरेड शहरालगतच्या बायपास राेडवर कारवाई करीत, रेतीची विनाराॅयल्टी व ओव्हरलाेड वाहतूक करणारा टिप्पर पकडला. यात तिघांविरुद्ध गुन्हा दाखल करण्यात आला असून, त्यांच्याकडून एकूण १५ लाख ५० हजार रुपये किमतीचा मुद्देमाल जप्त केला. ही कारवाई शनिवारी (दि.१५) मध्यरात्री करण्यात आली.

उमरेड पाेलिसांचे पथक गस्तीवर असताना, त्यांना उमरेड परिसरातून नागपूरच्या दिशेने रेतीची वाहतूक केली जात असल्याची माहिती मिळाली हाेती. त्यामुळे त्यांनी उमरेड शहरालगतच्या बायपास राेडवर नाकाबंदी करून वाहनांची तपासणी करायला सुरुवात केली. यात त्यांनी नागपूरच्या दिशेने जात असलेला एमएच-४९/एटी-०९९३ क्रमांकाचा टिप्पर थांबवून झडती घेतली. त्या टिप्परमध्ये रेती आढळून येताच, कागदपत्रांची तपासणी केली. त्यात ती रेतीची विनाराॅयल्टी व ओव्हरलाेड वाहतूक असल्याचे स्पष्ट झाले. त्यामुळे पाेलिसांनी रेतीसह टिप्पर ताब्यात घेतला.

या कारवाईमध्ये टिप्पर चालक महेंद्र भाेलानाथ (३८, रा.चांपा, ता.उमरेड), वाहक संदीप अभिमन्यू फाेंडे (३५, रा.चांपा, ता. उमरेड) व मालक नितीन भाऊराव बनकर (४०, रा. वकीलपेठ, नागपूर) यांच्याविरुद्ध गुन्हा नाेंदविला. या कारवाईमध्ये १५ लाख ३० हजार रुपयांचा टिप्पर व २० हजार रुपयांची रेती असा एकूण १५ लाख ५० हजार रुपये किमतीचा मुद्देमाल जप्त केल्याची माहिती ठाणेदार यशवंत साेलसे यांनी दिली असून, त्या टिप्परमध्ये तीन ब्रास रेती अतिरिक्त असल्याचेही त्यांनी सांगितले. या प्रकरणी उमरेड पाेलिसांनी भादंवि ३७९, १०९, ३४ अन्वये गुन्हा दाखल केला असून, या घटनेचा तपास ठाणेदार यशवंत साेलसे करीत आहेत.