चोरीचा ट्रक पकडला

लाेकमत न्यूज नेटवर्क

वाडी : परराज्यातून चाेरून आणलेल्या ट्रकची नंबर प्लेट बदलवून नागपूरच्या दिशेने जात असलेल्या चाेरट्याला वाडी पाेलिसांनी अटक केली. शिवाय, त्याच्याकडून ट्रक जप्त केला. बुधवारी (दि. १७) सायंकाळी ४ वाजताच्या सुमारास नागपूर-अमरावती राष्ट्रीय महामार्गावर ही कारवाई करण्यात आली.

नंदू सुपचंद खाकरे (३६, रा. बाजारचौक, आठनेर, ता. मुलताई, जिल्हा बैतुल, मध्य प्रदेश) असे अटक करण्यात आलेल्या आराेपीचे नाव आहे. सीजी-०४/वाय-०४३५ क्रमांकाचा ट्रक चाेरीचा असून, त्याची नंबर प्लेट बदलवण्यात आली, तसेच ताे ट्रक गाेंडखैरी (ता. कळमेश्वर)हून नागपूरच्या दिशेने जात असल्याची माहिती वाडी पाेलिसांना मिळाली हाेती. त्यामुळे पाेलिसांनी या ट्रकचा शाेध घेतला.

त्यांना हा ट्रक नागपूर-अमरावती राष्ट्रीय महामार्गालगतच्या धाब्याजवळ आढळून येताच त्यांनी नंदूला ताब्यात घेत चाैकशी केली. शिवाय, ट्रकची कागदपत्रे मागितली. सुरुवातीला असंंबद्ध उत्तरे दिल्यानंतर त्याने ट्रक चाेरून आणल्याचे मान्य केले. हा ट्रक बलाेदा (बाजार), छत्तीसगड येथून चाेरून आणल्याचे तसेच त्या ट्रकचा मूळ क्रमांक सीजी-०४/९३३४ असल्याचे त्याने पाेलिसांना सांगितले. परिणामी, पाेलिसांनी त्याला अटक करून ट्रक जप्त केला. याप्रकरणी वाडी पाेलिसांनी गुन्हा नाेंदवून तपास सुरू केला. ही कारवाई ठाणेदार प्रदीप सूर्यवंशी यांच्या मार्गदर्शनात पाेलीस उपनिरीक्षक साजेद अहमद, हवालदार सुनील मस्के यांच्या पथकाने केली.