चाैघांचा कन्हान नदीत बुडून मृत्यू

लाेकमत न्यूज नेटवर्क

खापरखेडा (नागपूर) : वाकी (ता. सावनेर) परिसरात पार्टी करायला आलेल्या नागपूर शहरातील आठ जणांपैकी चाैघे पाेहण्यासाठी कन्हान नदीच्या पात्रात उतरले. पाेहताना पाण्याचा अंदाज चुकला आणि चाैघेही डाेहात गेल्याने बुडाले. यातील एकाचा मृतदेह पाण्याबाहेर काढण्यात पाेलिसांना यश आले. ही घटना खापा (ता. सावनेर) पाेलीस ठाण्याच्या हद्दीतील वाकी शिवारातील कन्हान नदीच्या पात्रात मंगळवारी (दि. २२) दुपारी १ वाजताच्या सुमारास घडली.

बुडालेल्या युवकांमध्ये ताेफिक आशिफ खान (१६, रा. शांतिनगर, नागपूर), प्रवीण गलाेरकर (१७, रा. जयभीम चाैक, यादवनगर, नागपूर), अतेश शेख नासिर शेख (१७, व्हीएचबी काॅलनी, नागपूर) व आरीफ अकबर पटेल (१६, रा. जयभीम चाैक, यादवनगर, नागपूर) या चाैघांचा समावेश असून, अतेशचा मृतदेह शाेधण्यात पाेलिसांना यश आले आहे.

या चाैघांसह तेजू प्रदीप पाेटपसे (२०, रा. पाचपावली, नागपूर), शायान रियाज काजी (१८, व्हीएचबी काॅलनी, नागपूर), पलाश जितेश जाेशी (२०, रा. तीननल चाैक, नागपूर) व विशाल भाईलाल चव्हाण (२५, रा. इंदिरामाता नगर, नागपूर) मंगळवारी दुपारी वाकी (ता. सावनेर) परिसरात पार्टी करायला हाेते. सर्व जण लगतच्या कन्हान नदीच्या काठावर फिरायला गेले. त्यातच ताेफिक, प्रवीण, अतेश व आरिफ पाेहण्यासाठी नदीच्या पात्रात उतरले, तर तेजू, शायान, पलाश व विशाल काठावर बसून हाेते.

काही वेळात चाैघेही पात्रात डाेहाच्या दिशेने गेले आणि खाेल पाण्यात गटांगळ्या खाऊ लागले. पाण्याबाहेर पडणे शक्य न झाल्याने चाैघेही बुडाले. माहिती मिळताच खापा पाेलिसांसह एसडीआरएफचे जवान घटनास्थळी दखल झाले. त्यांनी सायंकाळी ४.०५ वाजण्याच्या सुमारास अतेशचा मृतदेह पाण्यातून बाहेर काढला. सायंकाळपर्यंत शाेधकार्य सुरू हाेते.

....

मुंबईहून आलेल्या मित्रांसाठी पार्टी

या आठ जणांपैकी एक मुंबईला राहताे. ताे नागपूरला आल्याने सर्वांनी वाकी परिसरातील द्वारका रिसाॅर्ट येथे पार्टीचा बेत आखला. या ठिकाणी पाेहाेचल्यावर त्यांना द्वारका रिसाॅर्ट बंद असल्याचे तसेच तिथे पार्टी करणे शक्य नसल्याचे त्यांच्या लक्षात आले. त्यामुळे सर्व जण जवळच असलेल्या कन्हान नदीच्या तीरावर फिरायला गेले आणि संकट ओढवून घेतले.

...

सूचना फलकाकडे दुर्लक्ष

हे सर्व जण ज्या ठिकाणी पाेहायला गेले, त्या ठिकाणी महसूल विभागाने फलक लावला आहे. या ठिकाणी नदीत असलेला डाेह धाेकादायक असून, कुणीही पाण्यात उतरू नये, असे आवाहनही या फलकाद्वारे तहसीलदारांनी केले आहे. मात्र, सर्वांनी याकडे दुर्लक्ष केले. या डाेहात मागील सहा ते सात वर्षात ५५ पेक्षा अधिक जणांचा बुडून मृत्यू झाला आहे.