विदर्भात ‘वीकएंड’ला पावसाची शक्यता

Nagpur News हवामान खात्याने वर्तविलेल्या अंदाजानुसार या आठवड्यात शनिवार व रविवारी नागपूरसह विदर्भात पाऊस हजेरी लावण्याची शक्यता आहे. यामुळे गारठादेखील वाढू शकतो.

नागपूर : हवामान खात्याने वर्तविलेल्या अंदाजानुसार या आठवड्यात शनिवार व रविवारी नागपूरसह विदर्भात पाऊस हजेरी लावण्याची शक्यता आहे. यामुळे गारठादेखील वाढू शकतो.

८ व ९ जानेवारी रोजी विदर्भातील जवळपास सर्वच जिल्ह्यात पाऊस येण्याची शक्यता आहे. नागपूर, अमरावती व वर्धा या जिल्ह्यात दोन्ही दिवस पाऊस पडू शकतो. तर भंडारा, चंद्रपूर, गोंदिया, गडचिरोली या जिल्ह्यात रविवारी पावसाची शक्यता आहे. यावेळी काही ठिकाणी गारपीट होण्याचीदेखील शक्यता आहे. नागपूर जिल्ह्यात १० व ११ जानेवारी रोजीदेखील पाऊस येईल, असा अंदाज हवामान खात्याने वर्तविला आहे. बहुतांश ठिकाणी हलका ते मध्यम स्वरूपाचा पाऊस येईल, तर काही ठिकाणी मेघगर्जनेसह गारपीट होण्याचा अंदाज आहे.