यशवंतपूर-लखनौ फेस्टिव्हल स्पेशलच्या वेळेत बदल

नागपूर : रेल्वे प्रशासनाने दिलेल्या निर्देशानुसार ०२६८३ यशवंतपूर-लखनौ फेस्टिव्हल स्पेशल रेल्वे गाडीची वेळ २८ डिसेंबरपासून आणि ०२६८४ लखनौ-यशवंतपूर फेस्टिव्हल स्पेशलची वेळ ३१ डिसेंबरपासून बदलणार आहे. तसेच ०२५३९ यशवंतपूर-लखनौ फेस्टिव्हल स्पेशल रेल्वेगाडीची वेळ ३० डिसेंबरपासून तर ०२५४० लखनौ-यशवंतपूर फेस्टिव्हल स्पेशल रेल्वेगाडीची वेळ १ जानेवारीपासून बदलणार आहे.

रेल्वे प्रशासनाकडून मिळालेल्या माहितीनुसार २८ डिसेंबरपासून ०२६८३ यशवंतपूर-लखनौ फेस्टिव्हल स्पेशल रेल्वेगाडी यशवंतपूरवरून रात्री ११.४० वाजता सुटून तिसऱ्या दिवशी सायंकाळी ६.४० वाजता लखनौला पोहोचेल. ही गाडी नागपूरला रात्री ८.५५ वाजता येऊन ९ वाजता रवाना होईल. ३१ डिसेंबरला ०२६८४ लखनौ-यशवंतपूर फेस्टिव्हल स्पेशल रेल्वेगाडी लखनौवरून सायंकाळी ६.३० वाजता सुटून तिसऱ्या दिवशी दुपारी १.३० वाजता यशवंतपूरला पोहोचेल. ही गाडी नागपूरला दुसऱ्या दिवशी दुपारी ३.२० वाजता येऊन ३.२५ वाजता रवाना होईल. रेल्वेगाडी क्रमांक ०२५३९ यशवंतपूर-लखनौ फेस्टिव्हल स्पेशल ३० डिसेंबरपासून यशवंतपूरवरून दुपारी १.३० वाजता सुटून तिसऱ्या दिवशी सकाळी ११.१० वाजता लखनौला पोहोचेल. ही गाडी नागपूरला दुसऱ्या दिवशी दुपारी १.१० वाजता येऊन १.१५ वाजता रवाना होईल. ०२५४० लखनौ-यशवंतपूर फेस्टिव्हल स्पेशल १ जानेवारीपासून लखनौवरून रात्री ८ वाजता रवाना होऊन तिसऱ्या दिवशी दुपारी ४ वाजता यशवंतपूरला पोहोचेल. ही गाडी दुसऱ्या दिवशी नागपूरला दुपारी ३.२० वाजता येऊन ३.२५ वाजता रवाना होईल.

..............