ऑटोतून पाठलाग करून दुचाकीचालकाला लुटले

लोकमत न्यूज नेटवर्क

नागपूर - ऑटोत बसून पाठलाग केल्यानंतर तीन लुटारूंनी एका दुचाकीस्वाराला मारहाण करून लुटल्याची घटना मंगळवारी पहाटे २ च्या सुमारास कस्तूरचंद पार्कजवळ घडली. वीरेंद्र राम बंद (वय ५९) असे तक्रारदार व्यक्तीचे नाव आहे. ते मानेवाडा रिंग रोडवर असलेल्या माँ भवानीनगरात राहतात. मंगळवारी पहाटे २ च्या सुमारास ते त्यांच्या दुचाकीने घराकडे जात असताना कस्तूरचंद पार्क ते रिझर्व बँक चाैकादरम्यान मागून ऑटोतून आलेल्या तीन लुटारूंनी त्यांना आडवे होऊन थांबण्यास भाग पाडले. त्यानंतर मारहाण करत त्यांची दुचाकी, मोबाईल, रोख १७,७८५ रुपये आणि चिजवस्तू असा एकूण ६३ हजारांचा मुद्देमाल घेऊन आरोपी पळून गेले. वीरेंद्र बंद यांनी दिलेल्या तक्रारीवरून सदर पोलिसांनी लुटमारीचा गुन्हा दाखल केला. आरोपींचा शोध घेतला जात आहे.

---

18.30 वा ते 18.45 वा दरम्यान

मोबाईल दिला नाही म्हणून चाकूहल्ला

नागपूर - मोबाईल देण्यास नकार दिला म्हणून दोन आरोपींनी एकावर चाकूहल्ला करून अनूप आनंद बयक (वय २२, सेमिनरी हिल्स) याला जबर जखमी केले. सोमवारी रात्री ७ च्या सुमारास ही घटना घडली. अनुपच्या तक्रारीवरून गिट्टीखदान पोलिसांनी अकस्मात मृत्यूची नोंद केली. आरोपीचा शोध घेतला जात आहे.

---