ट्रक अपघातात क्लिनरचा मृत्यू

उमरेड : भरधाव ट्रकची मार्गात उभा असलेल्या ट्रकला धडक लागली. त्यात गंभीर जखमी हाेऊन क्लीनरचा मृत्यू झाला तर अन्य एक जखमी झाला. अपघाताची ही घटना उमरेड-गिरड मार्गावरील धुरखेडा परिसरात रविवारी (दि.१७) रात्रीच्या सुमारास घडली.

वैभव वामन सरली असे मृत क्लीनरचे नाव असून, मनाेहर पांडुरंग कडे (४५, रा. बेसूर, ता. भिवापूर) असे जखमीचे नाव आहे. ट्रकचालक अमाेल रामभाऊ लहाटे (२८, रा. किटाळी, ता. आरमाेरी, जि. गडचिराेली) याने आपल्या ताब्यातील एमएच-४०/एके-१४९९ क्रमांकाचा गिट्टी भरलेला ट्रक सुसाट वेगाने पळवून रस्त्यात उभा असलेल्या एमएच-३४/एव्ही-०९८० क्रमांकाच्या ट्रकला धडक दिली. त्यात ट्रकमधील क्लीनरला गंभीररीत्या दुखापत झाल्याने त्याचा मृत्यू झाला तर अन्न्य एक जखमी झाला. याप्रकरणी उमरेड पाेलिसांनी भादंवि कलम ३०४ (अ), २७९, ३३७, ४२७, सहकलम १८४ माेटारवाहन कायद्यान्वये गुन्हा नाेंदविला असून, पुढील तपास पाेलीस हवालदार भाेजराज झाडे करीत आहेत.