वाहनाच्या धडकेत वेडसर व्यक्तिचा मृत्यू

पाटणसावंगी : भरधाव अज्ञात वाहनाने धडक दिल्याने गंभीर जखमी झालेल्या व्यक्तिचा घटनास्थळीच मृत्यू झाला. ही घटना सावनेर पाेलीस ठाण्याच्या हद्दीतील सावनेर - पाटणसावंगी - खापा मार्गावरील पाटणसावंगी (ता. सावनेर) परिसरात साेमवारी (दि. १४) सकाळी घडली.

ही व्यक्ती दाेन वर्षांपासून पाटणसावंगी परिसरात राहायची तसेच दिवसभर राेडने फिरायची. ती व्यक्ती वेडसर असल्याने कुणालाही नाव सांगत नव्हता. त्यामुळे त्याचे नाव कुणालाही माहिती नाही. ताे साेमवारी सकाळी पाटणसावंगी - खापा राेडने फिरत असताना अज्ञात वाहनाने त्याला धडक दिली. त्यात गंभीर दुखापत झाल्याने त्याचा घटनास्थळीच मृत्यू झाला. माहिती मिळताच पाेलिसांनी घटनास्थळ गाठून मृतदेह उत्तरीय तपासणीसाठी सावनेर येथील शासकीय रुग्णालयात पाठविला. याप्रकरणी सावनेर पाेलिसांंनी गुन्हा नाेंदविला आहे. या घटनेचा तपास सहाय्यक पाेलीस निरीक्षक निशांत फुलेकर यांच्या मार्गदर्शनात कृष्णा जुनघरे करीत आहेत.

===Photopath===

140621\img-20210614-wa0035.jpg

===Caption===

पाटणसावंगीत अज्ञात वाहनाच्या धडकेत मनोरुग्ण इसमाचा मृत्यू