नागपुरातील जुगार अड्डयावरील धाडीत डॉक्टरसह अडकले ८ जण
By लोकमत न्यूज नेटवर्क | Published: October 27, 2018 01:09 AM2018-10-27T01:09:19+5:302018-10-27T01:12:12+5:30
गिट्टीखदानमधील पेन्शननगरात एका दूध डेअरीच्या वर सुरू असलेल्या जुगार अड्ड्यावर शुक्रवारी रात्री पोलिसांनी छापा मारला. या छाप्यात पोलिसांना जुगार खेळणारे आठ जण सापडले. त्यांच्याकडून रोख १८ हजार, ८ मोबाईल आणि दोन मोटरसायकल जप्त केल्या.
नागपुरातील जुगार अड्डयावरील धाडीत डॉक्टरसह अडकले ८ जण
Next ठळक मुद्देरोख, मोबाईल आणि वाहने जप्त
लोकमत न्यूज नेटवर्क
नागपूर : गिट्टीखदानमधील पेन्शननगरात एका दूध डेअरीच्या वर सुरू असलेल्या जुगार अड्ड्यावर शुक्रवारी रात्री पोलिसांनी छापा मारला. या छाप्यात पोलिसांना जुगार खेळणारे आठ जण सापडले. त्यांच्याकडून रोख १८ हजार, ८ मोबाईल आणि दोन मोटरसायकल जप्त केल्या.
परिमंडळ दोनच्या उपायुक्त पथकाने तसेच गिट्टीखदान पोलिसांनी संयुक्तपणे शुक्रवारी रात्री ९ च्या सुमारास ही कारवाई केली. पोलिसांनी पकडलेल्या जुगाऱ्यांमध्ये एक होमिओपॅथी डॉक्टर असल्याचेही सूत्रांकडून कळले. वृत्त लिहिस्तोवर गुन्हा दाखल करण्याची प्रक्रिया सुरू होती. त्यामुळे आरोपींचे नाव पोलिसांकडून कळू शकले नाही.