वाहनाच्या धडकेत वृद्धाचा मृत्यू

बेला : भरधाव अज्ञात वाहनाने वळणावर विरुद्ध दिशेने येणाऱ्या माेटारसायकलला जाेरात धडक दिली. त्यात गंभीर जखमी झालेल्या दुचाकीस्वार वृद्धाचा घटनास्थळीच मृत्यू झाला. ही घटना बेला (ता. उमरेड) पाेलीस ठाण्याच्या हद्दीतील साेनेगाव-कवठा राेडवर बुधवारी (दि. १) मध्यरात्री २ वाजताच्या सुमारास घडली.

माराेती भिवाजी ठाकूर (७०, रा. पांजरा लाेधी, ता. नागपूर ग्रामीण) असे मृताचे नाव आहे. ते बुधवारी मध्यरात्री एमएच-४०/बीआर-७७६९ क्रमांकाच्या माेटारसायकलने साेनेगावहून कवठ्याच्या दिशेने जात हाेते. दरम्यान, या मार्गावरील एका वळणावर विरुद्ध दिशेने येणाऱ्या अज्ञात वाहनाने त्यांच्या माेटारसायकलला जाेरात धडक दिली. त्यात त्यांच्या डाेक्याला गंभीर दुखापत झाल्याने त्यांचा घटनास्थळीच मृत्यू झाला. माहिती मिळताच पाेलिसांनी घटनास्थळ गाठून मृतदेह उत्तरीय तपासणीसाठी उमरेड येथील ग्रामीण रुग्णालयात पाठविला. या प्रकरणी बेला पाेलिसांनी विनाेद माराेती ठाकूर (४१, रा. पांजरा लाेधी) यांच्या तक्रारीवरून अज्ञात वाहनचालकाविरुद्ध भादंवि २७९, ३०४ (अ) अन्वये गुन्हा नाेंदविला असून, या घटनेचा पुढील तपास पाेलीस उपनिरीक्षक राहुल ठेंगणे करीत आहेत.