ट्रकच्या धडकेत शेतकऱ्याचा मृत्यू

कन्हान : भरधाव ट्रकने माेटरसायकलला धडक दिली. त्यात गंभीर जखमी झालेल्या दुचाकीचालक शेतकऱ्याचा घटनास्थळी मृत्यू झाला तर अन्य एक गंभीर जखमी झाला. ही घटना कन्हान (ता. पारशिवनी) पाेलीस ठाण्याच्या हद्दीतील गाेंडेगाव काेलवासरी (ता. पारशिवनी) शिवारात रविवारी (दि. ६) सायंकाळी ४.४५ वाजताच्या सुमारास घडली.

धनराज गुलाबराव कुंभलकर असे मृत शेतकऱ्याचे तर गाेविंदा दांडे असे जखमीचे नाव आहे. दाेघेही गाेंडेगाव, ता. पारशिवनी येथील रहिवासी आहेत. ते माेटरसायकलने डबलसीट शेतातून घरी परत जात हाेते. दरम्यान, गाेंडेगाव काेलवासरी शिवारात काेळसा घेऊन वेगात जाणाऱ्या एमएच-४०/वाय-८२१२ क्रमांकाच्या ट्रकने त्यांच्या माेटरसायकलला जाेरात धडक दिली. त्यात दाेघेही गंभीर जखमी झाले. धनराज यांचा काही वेळात घटनास्थळी मृत्यू झाला. माहिती मिळताच पाेलिसांनी घटनास्थळ गाठून गाेविंदा यांना उपचारासाठी तर धनराज यांचा मृतदेह उत्तरीय तपासणीसाठी कामठी येथील उपजिल्हा रुग्णालयात पाठविला. याप्रकरणी कन्हान पाेलिसांनी ट्रकचालकाविरुद्ध भादंवि २७९, ३३८, ३०४ (अ) अन्वये गुन्हा नाेंदविला असून, या घटनेचा तपास पाेलीस हवालदार अरुण सहारे करीत आहेत.