मास्क न वापरणाऱ्या नागरिकांकडून १.५९ काेटीचा दंड वसूल

लोकमत न्यूज नेटवर्क

नागपूर : महापालिकेच्या उपद्रव शोध पथकाच्या जवानांनी १० मार्चपर्यंत मास्कशिवाय फिरणाऱ्या ३५,२६८ नागरिकांविरुध्द कारवाई करून १ कोटी ५ लाख ९३ हजारांचा दंड वसूल केला आहे. तर मंगळवारी १५० नागरिकांविरुध्द कारवाई केली असून त्यांच्याकडून प्रत्येकी रुपये ५०० प्रमाणे ७५ हजार रुपयांचा दंड वसूल केला. या सर्व नागरिकांना मास्क देण्यात आले.

मंगळवारी शोध पथकाव्दारे लक्ष्मीनगर झोन अंतर्गत ३८, धरमपेठ १०, हनुमाननगर १०, धंतोली ८, नेहरुनगर १२, गांधीबाग १५, सतरंजीपुरा ८, लकडगंज १०, आशीनगर १५, मंगळवारी २० आणि मनपा मुख्यालयातील ४ जणांविरुध्द कारवाई केली. शोध पथकाचे प्रमुख विरसेन तांबे यांच्या मार्गदर्शनात ५०० रुपये प्रमाणे आतापर्यंत २९,७९८ नागरिकांकडून १ कोटी ४८ लाख ९९ हजार वसूल करण्यात आले आहे.

कोरोना रुग्णांची संख्या पुन्हा वाढत चालली असून कोरोना विषाणूचा संसर्गाचा अद्याप धोका टळलेला नाही. परंतु तर नागरिक ‍विनामास्क नागरिक फिरतांना दिसतात ही बाब घातक आहे. त्यामुळे उपद्रव शोध पथकाव्दारे अशाप्रकारे बेजबाबदारीने स्वत:चे आरोग्य, कुटुंबाचे आरोग्य व समाजाचे आरोग्य धोक्यात घालणाऱ्या नागरिकांवर कारवाई करून त्यांना मास्क देण्यात येत आहे.