पैशाच्या वादातून पतीने फेकले पत्नीवर ॲसिड
By लोकमत न्यूज नेटवर्क | Published: May 14, 2022 10:14 PM2022-05-14T22:14:42+5:302022-05-14T22:15:04+5:30
Nagpur News पती-पत्नीमधील वाद टोकाला गेल्यानंतर रागाच्या भरात पतीने पत्नीच्या चेहऱ्यावर एसिड फेकल्याची घटना नागपूर जिल्ह्यात घडली.
पैशाच्या वादातून पतीने फेकले पत्नीवर ॲसिड
Next नागपूर: एकत्र असलेल्या दुकानातील पैशावरून पती-पत्नीत वाद उद्भवला. हा वाद विकाेपास जाताच पतीने रागाच्या भरात पत्नीवर ॲसिड फेकले. या प्रकाराबाबत विचारणा करायला आलेल्या साळ्यावर ब्लेडने हल्ला चढविला. यात दाेघेही जखमी झाले असून, आराेपी पतीस अटक करण्यात आली. ही घटना वेलतूर (ता. कुही) येथे शुक्रवारी (दि. १३) सायंकाळी ५ वाजताच्या सुमारास घडली.
पत्नी भारती विनोद विणकने (३६) व साैरभ यावलकर (३१, रा. नागपूर) अशी जखमींची नावे असून, विनोद नामदेव विणकने (४०) असे अटक करण्यात आलेल्या आराेपी पतीचे नाव आहे. भारती व तिचा पती विनाेद मूळचे नवेगाव (पुनर्वसन), ता. कुही येथील रहिवासी असून, ते काही वर्षांपासून वेलतूर, ता. कुही येथे राहतात. त्या दाेघांचे वेलतूर येथे एकत्र दुकान आहे. त्या दुकानात भारती शिवणकाम करीत असून, विनाेद साेन्या-चांदीच्या दागिन्यांची विक्री करताे.