अवैध दारू विक्रेत्याला अटक

पारशिवनी : काेराेना लाॅकडाऊनमुळे दारूविक्री बंद असतानाच ग्रामीण भागात अवैध दारूविक्रीला उधाण आले आहे. दरम्यान, पारशिवनी पाेलिसांनी पालासावळी शिवारात कारवाई करीत अवैध दारू विक्री करणाऱ्या एका आराेपीला अटक केली असून, त्याच्याकडून आठ हजार रुपये किमतीची २० लिटर माेहफुलाची दारू जप्त केली. ही कारवाई साेमवारी (दि.३१) दुपारच्या सुमारास करण्यात आली.

दीपक सुरेश काेहळे (२८, रा. पालासावळी, ता. पारशिवनी), असे अटकेतील आराेपीचे नाव आहे. पालासावळी शिवारात अवैधरीत्या माेहफुलाची दारू विक्री केली जात असल्याची माहिती मिळताच, पाेलिसांनी घटनास्थळी धाड टाकली. तिथे आराेपी हा सूतगिरणीलगतच्या नाल्यावर माेहफुलाची दारू विक्री करताना आढळून येताच पाेलिसांनी त्यास ताब्यात घेत अटक केली. त्याच्याकडून आठ हजार रुपये किमतीची २० लिटर माेहफुलाची दारू जप्त केली. याप्रकरणी पारशिवनी पाेलिसांनी आराेपीविरुद्ध गुन्हा नाेंदविला असून, तपास सुरू केला आहे.