अवैध दारू वाहतूकदार अटकेत

जलालखेडा/काेंढाळी : पाेलिसांनी त्यांच्या हद्दीतील केलेल्या कारवाईमध्ये माेहफुलाच्या दारूची अवैध विक्री व वाहतूक करणाऱ्या दाेघांना ताब्यात घेत अटक केली. त्यांच्याकडून एकूण ३ लाख ३७ हजार रुपये किमतीचा मुद्देमाल जप्त केला.

जलालखेडा (ता. नरखेड) पाेलिसांनी जलालखेडा परिसरात नाकाबंदी करून वाहनांची तपासणी करायला सुरुवात केली. यात त्यांनी काटाेलच्या दिशेने जाणारी एमएच-३२/सी-४९०० क्रमांकाची कार थांबवून झडती घेतली. त्या कारमधील रबरी ट्यूबमध्ये माेहफुलाची दारू आढळून येताच जालिंदरसिंग चंदासिंग भादा (२०, रा. काटाेल) यास अटक केली. त्याच्याकडून तीन लाख रुपयाची कार आणि ३६ हजार रुपयाची २४० लिटर माेहफुलाची दारू असा एकूण ३ लाख ३६ हजार रुपयाचा मुद्देमाल जप्त केला.

काेंढाळी (ता. काटाेल) पाेलिसांनी सायखाेड (काेंढाळी) येथील पंजाब महादेव राऊत याला थांबवून त्याची झडती घेतली. त्याच्याकडे असलेल्या प्लास्टिकच्या दाेन डबक्यांमध्ये १० लिटर माेहफुलाची दारू आढळून आली. त्यामुळे पाेलिसांनी त्याला अटक केली आणि त्याच्याकडून एक हजार रुपयाची दारू जप्त केली. या दाेन्ही प्रकरणात जलालखेडा व काेंढाळी पाेलिसांनी गुन्हा नाेंदवून तपास सुरू केला आहे.