अवैध दारू वाहतूकदार अटकेत

लाेकमत न्यूज नेटवर्क

खापा : पाेलिसांच्या पथकाने गस्तीदरम्यान माेहफुलाच्या दारूची अवैध वाहतूक करणाऱ्यास अटक केली. त्याच्याकडून दारू आणि माेटरसायकल असा एकूण ३५ हजार रुपये किमतीचा मुद्देमाल जप्त केला. ही कारवाई खापा पाेलीस ठाण्याच्या हद्दीतील महारकुंड शिवारात गुरुवारी (दि. २९) सकाळी करण्यात आली.

गंगाधर देवराव परतेकी (४८, रा. सर्रा, ता. सावनेर) असे अटक करण्यात आलेल्या आराेपीचे नाव आहे. खापा पाेलिसांचे पथक गस्तीवर असताना त्यांना महारकुंड शिवारात गंगाधर एमएच-४०/एवाय-१३१० क्रमांकाच्या माेटरसायकलने येताना दिसला. संशय आल्याने पाेलिसांनी त्याला थांबवून विचारपूस करायला सुरुवात केली. मात्र, ताे गाेंधळल्याने पाेलिसांनी त्याची झडती घेतली. यात त्याच्याकडे असलेल्या दाेन रबरी ट्यूबमध्ये माेहफुलाची दारू असल्याचे पाेलिसांच्या निदर्शनास आले.

ती दारूची अवैध वाहतूक असल्याने पाेलिसांनी त्याला अटक केली आणि त्याच्याकडून दारू व माेटरसायकल असा एकूण ३५ हजार रुपये किमतीचा मुद्देमाल जप्त केला, अशी माहिती ठाणेदार अजय मानकर यांनी दिली. याप्रकरणी खापा पाेलिसांनी गुन्हा नाेंदविला असून, या घटनेचा तपास पाेलीस शिपाई अंकुश लाखे करीत आहेत.