मधल्याने केली धाकट्या भावाची हत्या
By लोकमत न्यूज नेटवर्क | Published: July 2, 2021 04:07 AM2021-07-02T04:07:28+5:302021-07-02T04:07:28+5:30
लाेकमत न्यूज नेटवर्क खापरखेडा : अल्पवयीन प्रेयसीशी लग्न करण्यावरून दाेन भावांमध्ये दारू प्यायल्यानंतर जाेरात भांडण झाले. त्यातच मधल्याने धाकट्या ...
लाेकमत न्यूज नेटवर्क
खापरखेडा : अल्पवयीन प्रेयसीशी लग्न करण्यावरून दाेन भावांमध्ये दारू प्यायल्यानंतर जाेरात भांडण झाले. त्यातच मधल्याने धाकट्या भावाला ढकलत खाेलीत नेले आणि आतून दार बंद केले. त्यातच त्याने धाकट्या भावाच्या गळा व पाेटावर चाकूने वार करून त्याचा खून केला. ही घटना खापरखेडा (ता. सावनेर) पाेलीस ठाण्याच्या हद्दीतील दहेगाव (रंगारी) येथे गुरुवारी (दि. १) दुपारी १२ वाजताच्या सुमारास घडली.
गीतेश रामदास मानकर (२९, रा. काकडे ले-आऊट, दहेगाव रंगारी, ता. सावनेर) असे मृताचे नाव असून, सतीश रामदास मानकर (३३, रा. वेकाेलि काॅलनी, वलनी, ता. सावनेर) असे अटकेतील आराेपीचे नाव आहे. रामदास मानकर यांना गीतेश, सतीश व जगदीश अशी तीन मुले असून, थाेरला मुलगा जगदीश (३६) हा खंडाळा, ता. पारशिवनी, मधला मुलगा सतीश वलनी येथे राहत असून, धाकटा गीतेश त्यांच्यासाेबत दहेगाव (रंगारी) येथे राहायचा.
गीतेशचे एका अल्पवयीन मुलीवर प्रेम हाेते. त्याला तिच्याशी लग्न करावयाचे हाेते. या लग्नाला तिच्या कुटुंबीयांचा विराेध हाेता. त्यातच तिच्या भाऊजींनी (माेठ्या बहिणीचा पती) गुरुवारी सकाळी गीतेशला त्याच्या घरी येऊन तिच्याशी लग्न न करण्याची समज दिली हाेती. ही बाब माहिती हाेताच सतीश दुपारी वलनीहून दहेगाव (रंगारी) येथे घरी आला. गीतेश व सतीश घरीच दारू प्यायले. त्यातच त्याच्या लग्नाचा विषय निघाला. लग्नाला विराेध केला जात असल्याने गीतेशला राग आला.
रागाच्या भरात गीतेश हातात चाकू घेऊन प्रेयसीच्या भाऊजीला मारायला निघाला. त्यामुळे सतीशने त्याला समजाविण्याचा प्रयत्न केला. ताे ऐकण्याच्या मनस्थितीत नसल्याने सतीशने त्याला ढकलत खाेलीत नेले व दार आतून बंद केले. आत दाेघांचे जाेरात भांडण झाले. त्यातच सतीशने गीतेशच्या गळा व पाेटावर चाकूने वार केले. त्यातच त्याचा घटनास्थळी मृत्यू झाला.
माहिती मिळताच खापरखेडा पाेलिसांसह स्थानिक गुन्हे शाखेचे पथक घटनास्थळी दाखल झाले. अप्पर पाेलीस अधीक्षक राहुल माकणीकर, उपविभागीय पाेलीस अधिकारी मुख्तार बागवान यांनी घटनास्थळाची पाहणी केली. ठसेतज्ज्ञांची मदत घेण्यात आली. याप्रकरणी खापरखेडा पाेलिसांनी खुनाचा गुन्हा नाेंदवून आराेपी सतीशला अटक केली.
...
लग्नाला विराेध
गीतेशला त्याच्या अल्पवयीन प्रेयसीसाेबत लग्न करायचे हाेते. प्रेयसीच्या भाऊजींनी दाेघांना साेबत घेत गीतेशला त्याच्या घरी मुलीपासून (प्रेयसी) दूर राहण्याची सूचना केली. शिवाय, तिच्याशी लग्न केल्यास पाेलिसात तक्रार दाखल करून फसविण्याची धमकी दिली हाेती. त्यामुळे गीतेश दारू प्यायल्यानंतर तिच्या भाऊजीला मारण्यासाठी चाकू घेऊन निघाला हाेता.
...
चाकू पाण्याने साफ केला
या घटनेची माहिती गीतेशचा माेठा भाऊ जगदीश याने गुरुवारी दुपारी २ वाजताच्या सुमारास नागपूर ग्रामीणच्या पाेलीस नियंत्रण कक्षाला दिली. पाेलीस घटनास्थळी दाखल हाेण्यापूर्वी रक्ताने माखलेला चाकू पाण्याने साफ करून तो खाेलीत ठेवला हाेता. हा चाकू पाेलिसांनी जप्त केला. गीतेशचा खून केल्यानंतर सतीश काही वेळ त्याच खाेलीत झाेपला हाेता.