खर्रा थुंकायला गेला आणि जीव गमावून बसला

लाेकमत न्यूज नेटवर्क

जलालखेडा : धावत्या वाहनात खर्रा थुंकताना ताेल गेला आणि तरुण वाहनातून खाली राेडवर काेसळला. त्यात गंभीर दुखापत झाल्याने त्याचा घटनास्थळीच मृत्यू झाला. ही घटना जलालखेडा (ता. नरखेड) पाेलीस ठाण्याच्या हद्दीतील जलालखेडा-माेवाड मार्गावर गुरुवारी (दि. २६) रात्री ९ वाजताच्या सुमारास घडली.

प्रफुल्ल बंडू बागडे (२७, रा. पुसला, ता. वरुड, जिल्हा अमरावती) असे मृत तरुणाचे नाव आहे. प्रफुल्ल याला खर्रा खाण्याचे व्यसन हाेते. ताे काही कामानिमित्त जामगाव (ता. नरखेड) येथे आला हाेता. त्याला गावी परत जायचे असल्याने त्याने बाेलेराे गाडीतून परतीच्या प्रवासाला सुरुवात केली. ताे खर्रा खाऊनच वाहनात बसला हाेता.

खर्रा थुंकायचा असल्याने ताे वाहनातून जलालखेडा परिसरातील जिनिंगजवळ डाेकावला व ताेल गेल्याने राेडवर पडला. यात त्याच्या डाेक्याला गंभीर दुखापत झाल्याने त्याला लगेच जलालखेडा येथील प्राथमिक आराेग्य केंद्रात आणले. तेथे त्याला डाॅक्टरांनी तपासणीअंती मृत घाेषित केले. माहिती मिळताच पाेलिसांनी घटनास्थळ गाठून पंचनामा केला. या प्रकरणी जलालखेडा पाेलिसांनी नाेंद करून तपास सुरू केला आहे.