लोकमत रक्तदान शिबिर

उमरेड नगर परिषदेचे माजी अध्यक्ष स्व. देवरावजी ईटनकर यांच्या २४ व्या पुण्यस्मरण दिनाच्या पर्वावर उदय महिला सेवा संस्था उमरेड, श्री साईनाथ ब्लड बँक नागपूर, महात्मे आय हॉस्पिटल नागपूर, ग्रामीण रुग्णालय उमरेड यांच्या वतीने व लोकमतच्या सहकार्याने स्व. देवरावजी ईटनकर आयटीआय, ग्रामीण रुग्णालयाजवळ, बुधवारी पेठ, उमरेड येथे सकाळी ९ ते दुपारी ३ वाजेपर्यंत रक्तदान शिबिर, मोफत नेत्र तपासणी, मोतीबिंदू शस्त्रक्रिया शिबिरासोबतच कोविड- १९च्या लसीकरण शिबिराचे आयोजन करण्यात आले आहे. यावेळी प्रत्येक रक्तदात्यांना उदय महिला सेवा संस्थेकडून हेल्मेट भेट म्हणून दिले जाईल.

शिबिराच्या अध्यक्षस्थानी नागपूर काँग्रेस कमिटीचे (ग्रामीण) जिल्हाध्यक्ष व माजी मंत्री राजेंद्र मुळक असतील. उद्घाटन आ. राजू पारवे यांच्या हस्ते होणार आहे, तर यावेळी प्रमुख पाहुणे म्हणून महाराष्ट्र प्रदेश काँग्रेस कमिटीच्या अनु. जाती सेलचे उपाध्यक्ष संजय मेश्राम, उमरेड नगर परिषदेचे माजी अध्यक्ष गंगाधर रेवतकर, नगर काँग्रेस कमिटी अध्यक्ष सुरेश पौनीकर व उमरेड तालुका खरेदी-विक्री सह. संस्थेचे सभापती गजानन झाडे, उदय महिला सेवा संस्थेच्या अध्यक्ष सुमन ईटनकर, खरेदी-विक्री सह. संघाचे संचालक सूरज ईटनकर व नगरसेविका योगीता ईटनकर उपस्थित राहतील. शिबिरात सहभागी होण्यासाठी ९८२२२२८१५१, ८८८८८१७८५८ या क्रमांकावर संपर्क साधता येईल.