देखो मेरी लाईफ... क्या जिंदगी हो गई है... फरार गुन्हेगाराची भावनिक साद
By लोकमत न्यूज नेटवर्क | Published: December 24, 2021 09:47 PM2021-12-24T21:47:39+5:302021-12-24T21:48:11+5:30
Nagpur News पोलिसांचा ससेमिरा चुकविण्यासाठी फरार असलेल्या एका गुन्हेगाराने सोशल मीडियावर त्याचा व्हिडिओ अपलोड केला आहे. या गुन्हेगाराची दशा दर्शित करणारा हा व्हिडिओ सध्या चांगलाच चर्चेचा विषय ठरला आहे.
देखो मेरी लाईफ... क्या जिंदगी हो गई है... फरार गुन्हेगाराची भावनिक साद
Next नागपूर : पोलिसांचा ससेमिरा चुकविण्यासाठी फरार असलेल्या एका गुन्हेगाराने सोशल मीडियावर त्याचा व्हिडिओ अपलोड केला आहे. या गुन्हेगाराची दशा दर्शित करणारा हा व्हिडिओ सध्या चांगलाच चर्चेचा विषय ठरला आहे.
सय्यद आसिफ सय्यद निजाम असे या गुंडाचे नाव आहे. तो यशोधरानगर पोलीस ठाण्याच्या हद्दीत राहतो. या गुंडावर अनेक गंभीर गुन्हे दाखल असून तो सध्या फरार आहे. पोलीस त्याला शोधत आहेत. पोलिसांशी लपवाछपवी करणाऱ्या या गुन्हेगाराने फरारीमुळे झालेली आपली दैन्यावस्था दाखविण्यासाठी सोशल मीडियावर आपला एक व्हिडिओ व्हायरल केला आहे. त्यातून त्याने भावनिक साद घातली आहे.
या व्हिडिओत तो म्हणतो, ‘ये देखो मेरा लाईफ, क्या जिंदगी हो गई है...’ या गुन्हेगाराच्या अंगावर धड कपडे नाही. केस वाढले आहेत. झाडाझुडपात फिरावे लागत असल्याचे या व्हिडीओतून दाखवत त्याने सहानुभूती मिळवण्याचा प्रयत्न चालवला आहे. आसिफचा हा व्हिडिओ सोशल मीडियावर चांगलाच व्हायरल झाला आहे. त्याच्या या व्हिडीओला त्याच्या भाऊबंदकीत अर्थात गुन्हेगारी वर्तुळात कशी दाद मिळते, हे तूर्त स्पष्ट नाही. मात्र त्याच्या व्हिडीओची लिंक पकडून त्याला हुडकून काढण्यासाठी पोलीस यंत्रणा कामी लागली आहे.
---