माेहफुलाची दारू पकडली

लाेकमत न्यूज नेटवर्क

उमरेड : पाेलिसांच्या पथकाने शिवापूर फाटा परिसरात माेहफुलाच्या दारूची अवैध वाहतूक करणाऱ्यास अटक केली. त्याच्याकडून दुचाकी व दारू असा एकूण १ लाख ५ हजार रुपये किमतीचा मुद्देमाल जप्त केला. ही कारवाई शुक्रवारी सकाळी ७ वाजताच्या सुमारास करण्यात आली.

सतीश सुरेश भाेसले (३६, रा. गरडेपार, ता. भिवापूर) असे अटक करण्यात आलेल्या आराेपीचे नाव आहे. उमरेड पाेलिसांचे पथक गस्तीवर असताना त्यांना दारूची वाहतूक केली जात असल्याची माहिती मिळाली हाेती. त्यामुळे त्यांनी शिवापूर फाटा परिसरात नाकाबंदी करून वाहनांची तपासणी करायला सुरुवात केली.

दरम्यान, पथकाने एमएच-४०/सीबी-८४६२ क्रमांकाच्या माेटरसायकलने जात असलेल्या सतीशला थांबावून झडती घेतली. त्यांना सतीशकडे असलेल्या दाेन बुधल्यांमध्ये माेहफुलाची ५० लिटर दारू असल्याचे आढळून आले. त्यामुळे त्यांनी सतीशला अटक करीत त्याच्याकडून दारू व माेटरसायकल जप्त केली. या कारवाईत ९० हजार रुपये किमतीची माेटरसायकल आणि १५ हजार रुपयांची माेहफुलाची दारू असा एकूण १ लाख ५ हजार रुपये किमतीचा मुद्देमाल जप्त केला, अशी माहिती ठाणेदार यशवंत साेलसे यांनी दिली. याप्रकरणी उमरेड पाेलिसांनी गुन्हा नाेंदविला असून, ही कारवाई पाेलीस हवालदार रमेशचंद्र त्रिपाठी, अरविंद चव्हाण, राेशन शहारे यांच्या पथकाने केली.