मटका अड्डा, दारू अड्ड्यावर छापा

लोकमत न्यूज नेटवर्क

नागपूर : झोन पाचचे डीसीपी निलोत्पल यांच्या पथकाने शुक्रवारी सकाळपासून विविध भागांत कारवाई करून मटका अड्डा, दारू अड्ड्यावर छापा घातला, तर बिना संगम येथे रेतीचोरी करणाऱ्यालाही पकडले.

जुनी कामठीच्या गुजरी चाैकात आरोपी सिराज अहमद ईरफान अहमद, तसेच देवराव चिंतामण गोमेकर या दोघांच्या मटका अड्ड्यावर छापा घालून, पोलिसांनी रोख रक्कम १२,४७० आणि मटक्याचे साहित्य जप्त केले. शुक्रवारी सायंकाळी ६च्या सुमारास पोलिसांनी ही कारवाई केली.

तत्पूर्वी जरीपटक्यातील समतानगरात अवैध दारू विक्री करणाऱ्या आरोपी रजत उर्फ प्रांशू अनिल सहारे याच्या अड्ड्यावर कारवाई पोलिसांनी तेथून मोठ्या प्रमाणात देशी दारू जप्त केली. त्याचप्रमाणे, शुक्रवारी सकाळी ७.१०च्या सुमारास आरोपी शब्बीर युसूफ तेले (रा. बिना गाव, कामठी) याला त्याच्या वाहनासह ताब्यात घेतले. तो कामठी तालुक्यातील बिना संगम घाटावरून रेती चोरून नेताना आढळला. त्याच्याकडून रेती, तसेच वाहन असा एकूण ३ लाख, २ हजारांचा मुद्देमाल जप्त करण्यात आला.

पोलीस उपायुक्त निलोत्पल यांच्या मार्गदर्शनाखाली सहायक निरीक्षक विजय भिसे, तसेच नायक सूरज भारती, दिनेश यादव, हरिश इंगळे आणि चेतन जाधव, तसेच रवींद्र राऊत यांनी ही कामगिरी बजावली.

----