नागपुरात एमडी तस्करीत मॉडेलला साथीदारासह अटक 

गुन्हे शाखेच्या एनडीपीएस सेलने एमडी तस्करीत एका २० वर्षीय मॉडेलला तिच्या साथीदारासह अटक केली. ही कारवाई सोमवारी सकाळी ११ वाजता अमरावती रोडवरील बोले पेट्रोल पंप चौकातील बसस्टॅण्डवर करण्यात आली.

लोकमत  न्यूज  नेटवर्क
नागपूर : गुन्हे शाखेच्या एनडीपीएस सेलने एमडी तस्करीत एका २० वर्षीय मॉडेलला तिच्या साथीदारासह अटक केली. ही कारवाई सोमवारी सकाळी ११ वाजता अमरावती रोडवरील बोले पेट्रोल पंप चौकातील बसस्टॅण्डवर करण्यात आली.
शिवानी नंदू बानाईत रा. उदयनगर, गोलबा रेसिडेन्सी आणि बंटी ऊर्फ बग्गा शेकू अहमद खन (२७) रा. वाठोडा, अशी आरोपींची नावे आहेत. सेलचे वरिष्ठ पोलीस निरीक्षक राजेंद्र निकम यांना सकाळी एका व्यक्तीने फोन करून माहिती दिली की, सकाळी ट्रॅव्हल्स बसने एक युवक आणि तरुणी नागपुरात एमडी पावडर घेऊन येत आहे. या आधारावर पथकाने सकाळी १०.३० वाजता अमरावती रोडवरील बोले पेट्रोल पंपासमोर नजर ठेवली. सकाळी ११ वाता मुंबईवरून एक बस पोहोचली. त्यातून एक तरुण व तरुणी उतरली. पोलिसांनी दोघांनाही थांबवून त्यांची झडती घेतली. बंटीच्या बॅगमध्ये २० ग्राम आणि मॉडेल शिवानीच्या पर्समध्ये ५ ग्राम एमडी पावडर सापडली.