एमआयडीसीतील हत्याकांडाचा पर्दाफाश

तिघांना अटक : तिघे फरार

लोकमत न्यूज नेटवर्क

नागपूर : एमआयडीसी पोलीस ठाण्याच्या हद्दीत राहणाऱ्या विजयाबाई पांडुरंगजी तिवलकर या ६५ वर्षीय वृद्धेची हत्या करणाऱ्या तिघांना पोलिसांनी अटक केली.

मोठी रोकड आणि दागिने मिळणार असा अंदाज असल्याने आरोपींनी ही हत्या केल्याचे उघड झाले आहे. विजयाबाई यांची हत्या झाल्याचे शुक्रवारी दुपारी उघड झाले. हत्या करणाऱ्या आरोपींनी त्यांच्या घरातून रोख रक्कम आणि दागिने लंपास केल्याचाही संशय होता. गेल्या ३६ तासांत पोलिसांनी दोन डझन पेक्षा जास्त व्यक्तींची कसून चौकशी केली आहे. त्यातून पोलिसांच्या हातात धागेदोरे लागले. त्यावरून एमआयडीसी पोलिसांनी कळमना परिसरात शनिवारी रात्री बाबा, नीलेश आणि फरदीन या तिघांना अटक केली. त्यांचे तीन साथीदार फरार असून, त्यांनाही लवकरच अटक करू, असा विश्वास पोलीस अधिकारी व्यक्त करीत आहेत.

--