माेबाइल चाेरटा अटकेत

वाडी : राेडने पायी जात असलेल्या व्यक्तीला वाटेत मारहाण करीत त्याच्याकडील माेबाइल हॅण्डसेट व राेख रक्कम हिसकावून पळ काढणाऱ्या चाेरट्यास वाडी पाेलिसांनी अटक केली. ही घटना नागपूर-अमरावती राष्ट्रीय महामार्गावर रविवारी (दि. ३०) सायंकाळी ४.३० वाजताच्या सुमारास घडली.

पिंटू सुग्रीव राजभर (२०, रा. पिलीनदी, यशोधरानगर, नागपूर) असे अटक करण्यात आलेल्या आराेपीचे नाव आहे. अमोल गोविंदराव मेश्राम (३४, रा. जुनी वस्ती, दाभा) यांनी रविवारी नागपूर शहरातून ७,८०० रुपयांचा नवीन माेबाइल खरेदी केला. त्यानंतर ते नागपूरहून वाडीला आले आणि राष्ट्रीय महामार्गाने पायी दाभाकडे जात हाेते. त्यातच मागून माेटारसायकलने आलेल्या अनाेळखी दाेघांनी त्यांना वायुसेनाकडे जाणाऱ्या राेडवर अडविले. दाेघांनीही त्यांना लगतच्या झुडपात नेले आणि तेथे मारहाण करीत त्यांच्याकडील माेबाइल हॅण्डसेट व १५० रुपये राेख हिसकावून घेत पळ काढला. यात त्यांच्या डाेक्याला दुखापत झाली आहे. त्यांनी लगेच पाेलीस ठाणे गाठून तक्रार नाेंदविली. या प्रकरणी वाडी पाेलिसांनी गुन्हा नाेंदवून एकास अटक केली. दुसऱ्या चाेरट्याचे नाव कळू शकले नाही. मात्र, त्याला लवकरच अटक करण्यात येणार असल्याचे ठाणेदार प्रदीप सूर्यवंशी यांनी सांगितले. ही कारवाई पोलीस उपनिरीक्षक गणेश मुंढे, अविनाश जायभाये, हवालदार सुनील मस्के, सुनील भट, सतीश येसनकर यांच्या पथकाने केली.