तरुणीचा विनयभंग

माैदा : लग्न करण्यास नकार दिल्याने आराेपीने तरुणीस मारहाण करीत तिचा विनयभंग केला. ही घटना माैदा पाेलीस ठाण्यांतर्गत शनिवारी (दि.१७) दुपारी उघडकीस आली.

२१ वर्षीय पीडित तरुणीच्या काकाने तिचा माेबाईल हॅण्डसेट दुरुस्तीसाठी आराेपी आशू ऊर्फ धर्मेंद्र काेहले, रा. वाघाेरी याच्याकडे दिला हाेता. दरम्यान आराेपीने तरुणीला फेसबुकवरून फ्रेंड रिक्वेस्ट पाठवून तिच्याशी ओळखी केली. तिच्याशी सलगी साधत आराेपीने ‘तू माझ्याशी लग्न कर’ असे म्हटले असता, नकार दिल्याने आराेपीने तिला हातबुक्कीने मारहाण केली. अशात शनिवारी (दि.१७) दुपारी १२.५५ वाजता आराेपीने तरुणीच्या काकाच्या व्हाॅट्सॲपवर आराेपी व तरुणीचे अश्लील फाेटाे व चॅटिंग पाठवून तिची बदनामी करीत विनयभंग केला. याप्रकरणी माैदा पाेलिसांनी आराेपीविरुद्ध भादंवि कलम ३५४ (डी), सहकलम ६६(सी) माहिती तंत्रज्ञान अधिनियम कायद्यान्वये गुन्हा नाेंदविला असून, आराेपीचा शाेध सुरू केला आहे. गुन्ह्याचा पुढील तपास पाेलीस निरीक्षक विजय जाधव करीत आहेत.