मध्यरात्री 'तिने' प्रियकराला गुपचूप घरी बोलावले.. आईने दोघांना रंगेहात पकडले अन्

पाचपावली परिसरात राहणाऱ्या एका तरुणीने मध्यरात्री आई-वडील झोपी गेल्यानंतर आपल्या प्रियकराला घरी बोलावले. पण, आई झोपेतून उठली व मुलगी तरुणासोबत 'नको त्या' अवस्थेत आढळली.

ठळक मुद्देप्रियकराला धू-धू धूतले

नागपूर : सोशल मीडियावर होणारी मैत्री आणि त्याचे प्रेमात रुपांतर हे 'इन्स्टंट रेसीपी'सारखे आहे. पटकन् तयार होऊन प्लेटमध्ये सज्ज! मात्र, इन्स्टंटच्या नादात कधी-कधी आपण आपले नुकसानही करून घेतो. असाच एक प्रकार नागपुरात समोर आला आहे.

पाचपावली परिसरात राहणाऱ्या १७ वर्षीय तरुणीने मध्यरात्री आई-वडील झोपी गेल्यानंतर आपल्या प्रियकराला गुपचूप घरी बोलावले. पण, आईला जाग आली व मुलगी तिच्या खोलीत तरुणासोबत 'नको त्या' अवस्थेत आढळली. यावेळी संतप्त आईने तरुणाला चांगले बदडले व पोलिसात तक्रार केली. पोलिसांनी या प्रकरणी बलात्काराचा गुन्हा दाखल केला आहे. 

सुरज ब्रम्हानंद लहाने (वय २७) असे आरोपीचे नाव आहे. अकराव्या वर्गात शिकणाऱ्या तरुणीची इन्स्टाग्रामवर तीन महिन्यापूर्वी सुरजशी ओळख झाली. सुरज हा फर्निचरचा कारागीर असून ऑर्डरनुसार घरोघरी काम करतो. तर, सुरज आणि स्वाती(बदललेले नाव) या दोघांची ऑनलाइन ओळख होऊन  त्याचे मैत्रीत रुपांतर झाले आणि मग ते प्रेमात बदलले. दोघांचं चॅटिंग सुरू झालं नंतर भेटीगाठीही वाढल्या.

तीन महिन्यातच स्वातीचा सुरजवर विश्वास बसला, ती त्याच्याकडे जास्तच ओढल्या गेली. तिने त्याला फुटाळ्यावर भेटण्यास बोलावले. याचा फायदा सुरजने घेतला. त्याने गोड-गोड बोलून शारीरिक संबंधाची मागणी केली. दरम्यान, सोमवारी मध्यरात्रीच्या सुमारास स्वातीने सुरजला कॉल करून घरी बोलावले. त्यावेळी तिचे आई-वडील शेजारच्या खोलीत झोपले होते. सुरजने घराजवळ येताच तिला मिसकॉल दिला आणि स्वातीने हळूच दार उघडून त्याला घरात घेतले.

प्यार का पंचनामा

काही वेळानंतर, स्वातीच्या आईला जाग आली व  लघुशंकेला झोपेतून उठून बाथरुममध्ये गेली. दरम्यान, तिला स्वातीच्या खोलीतून आवाज येत असल्याचे लक्षात आले. तिला शंका आली व काळजीपोटी तिने मुलीच्या खोलीचा दरवाजा उघडला आणि लाईट लावला. यावेळी आपल्या मुलीला एका मुलासोबत नको त्या अवस्थेत पाहून आईला धक्काच बसला. तिने सुरजच्या कानफाटात जोरदार ठेऊन दिली आणि नंतर चांगलाच समाचार घेतला व पोलिसात तक्रार केली. याप्रकरणी पोलिसांनी सुरजविरुद्ध गुन्हा दाखल करून त्याला अटक केली.