कुख्यात फातोडेवर एमपीडीएची कारवाई

नागपूर : अंबाझरीच्या पांढराबोडी वस्तीतील कुख्यात गुंड संजय फातोडेला एमपीडीएनुसार तुरुंगात पाठविण्यात आले आहे. फातोडे विरुद्ध हप्तावसुली, मारहाण, दंगा, जमीन हडपणे, अवैध सावकारी आदी गुन्हे दाखल आहेत. त्याची अंबाझरी ठाण्याच्या परिसरात दहशत आहे. तो मुलांच्या मदतीने पांढराबोडी चौकाजवळ प्रॉपर्टी डीलिंग कार्यालयातून अवैध सावकारी करीत होता. पोलिसांनी कारवाई न केल्यामुळे त्याची दहशत होती. त्याची गुन्हेगारी प्रवृत्ती वाढत असल्यामुळे त्याच्या विरुद्ध एमपीडीएनुसार कारवाई करण्यात आली.

दुर्गेश पसेरकरला अटक

नागपूर : वृद्ध महिलेच्या घरात घुसून आग लावणाऱ्या दुर्गेश पसेरकरसह तीन आरोपींना सोनेगाव पोलिसांनी अटक केली आहे. १३ मार्चला दुपारी दुर्गेश पसेरकर आपल्या साथीदारांच्या सोबत ७० वर्षांच्या प्रमिला गेडाम यांच्या घरी आला. टीव्ही आणि इतर सामानाची तोडफोड करून प्रमिला यांना जीवे मारण्याची धमकी दिली. घरातील सामान आणि कपड्यांना आग लावून फरार झाला. सोनेगाव पोलीस दुर्गेशचा शोध घेत होते. त्यानंतर, तो पोलिसांच्या हाती लागला.

................