६० नागरिकांना दंड करून मनपाने दिले मास्क

शुक्रवारी मनपा उपद्रव शोध पथकाव्दारे लक्ष्मीनगर झोन अंतर्गत १५, धरमपेठ झोन अंतर्गत २, हनुमाननगर झोन अंतर्गत ६, धंतोली झोन अंतर्गत ४, नेहरुनगर झोन अंतर्गत ८, गांधीबाग झोन अंतर्गत ५, सतरंजीपूरा झोन अंतर्गत ०, लकडगंज झोन अंतर्गत ७, आशीनगर झोन अंतर्गत ८, मंगळवारी झोन अंतर्गत ५ आणि मनपा मुख्यालयातील ० जणांविरुध्द ही कारवाई शोध पथकाचे प्रमुख वीरसेन तांबे यांच्या मार्गदर्शनात करण्यात आली. ५०० रुपये प्रमाणे आतापर्यंत ३० हजार ७५१ बेजबाबदार नागरिकांकडून १ कोटी ५३ लाख ७५ हजार ५०० वसूल करण्यात आले आहेत.

२५ प्रतिष्ठानांवर कारवाई

- उपद्रव शोध पथकाने शुक्रवारी २५ दुकाने, प्रतिष्ठानांवर कारवाई करून १ लाख ८० हजार रुपये दंड वसूल केला. पथकाने दोन रुग्णालयांविरुध्द जैविक कचरा सामान्य कचऱ्यात टाकण्यासाठी दंड केला. मनपा आयुक्त राधाकृष्णन बी. यांच्या निर्देशानुसार उपद्रव शोध पथक प्रमुख वीरसेन तांबे यांच्या मार्गदर्शनाखाली झोन शोध पथकांद्वारे ही कामगिरी पार पाडण्यात आली.