नागपुरात ‘मनमर्जियां’चा ‘म्युझिकल टूर’; ‘लाईव्ह बॅन्ड’चे सादरीकरण

मुंबईत धूम केल्यानंतर आता नागपूरकरांना भेटण्यासाठी ‘मनमर्जियां’ची संपूर्ण ‘टीम’ २५ आॅगस्ट रोजी येणार आहे. ‘लोकमत’, ‘लोकमत समाचार’तर्फे हे आयोजन करण्यात येणार आहे. यात अभिनेता अभिषेक बच्चन, अभिनेत्री तापसी पन्नू, विकी कौशल व चित्रपटाचे दिग्दर्शक अनुराग कश्यप उपस्थित राहतील.

ठळक मुद्दे२५ आॅगस्ट रोजी ‘लोकमत’, ‘लोकमत समाचार’चे आयोजनअमित त्रिवेदी करणार सादरीकरणअभिषेक बच्चन, तापसी पन्नू, विकी कौशल, अनुराग कश्यप येणार

लोकमत न्यूज नेटवर्क
नागपूर : मुंबईत धूम केल्यानंतर आता नागपूरकरांना भेटण्यासाठी ‘मनमर्जियां’ची संपूर्ण ‘टीम’ २५ आॅगस्ट रोजी येणार आहे. ‘लोकमत’, ‘लोकमत समाचार’तर्फे हे आयोजन करण्यात येणार आहे. यात अभिनेता अभिषेक बच्चन, अभिनेत्री तापसी पन्नू, विकी कौशल व चित्रपटाचे दिग्दर्शक अनुराग कश्यप उपस्थित राहतील. मानकापूर येथील ‘इन्डोअर स्टेडियम’मध्ये या कार्यक्रमाचे आयोजन करण्यात आले आहे.
हा चित्रपट १४ सप्टेंबर रोजी प्रदर्शित होणार आहे. राष्ट्रीय पुरस्कार विजेता संगीतकार अमित त्रिवेदीच्या ‘म्युझिकल कॉन्सर्ट’चे देखील यावेळी आयोजन करण्यात आले आहे. या कार्यक्रमादरम्यान अभिषेक बच्चन, तापसी पन्नू व विकी कौशल यावेळी उपस्थित श्रोत्यांसमवेत संवाद साधतील. सोबतच मनमर्जिया चित्रपटाशी जुळलेल्या काही गोष्टीदेखील ते यावेळी सांगतील. कार्यक्रम सायंकाळी ६ वाजता सुरू होईल. (१५ मिनिट अगोदर कार्यक्रमस्थळी पोहोचणे आवश्यक आहे. ) कार्यक्रमासाठी कलर्स यलो, इरोज नाऊ, मीडिया पार्टनर एमटीव्ही बिट्स व रेड लाईव्ह यांचे सहकार्य मिळत आहे.