नागपूर शहर काँग्रेस सेवा दलाचा ‘दल दिन’ साजरा

लोकमत न्यूज नेटवर्क

नागपूर : शहर काँग्रेस सेवा दलाचा ९७ वा दल दिन रविवारी सकाळी देवडिया भवन येथे शहर काँग्रेस सेवादलाचे अध्यक्ष प्रवीण आगरे यांच्या अध्यक्षतेखाली व ऊर्जामंत्री नितीन राऊत यांच्या प्रमुख उपस्थितीत पार पडला. याप्रसंगी काँग्रेस सेवा दल राष्ट्रीय सल्लागार परिषदेचे सदस्य कृष्ण कुमार पांडे, प्रदेश उपाध्यक्ष राम गोविंद खोबरागडे, प्रदेश संघटक सचिव मोहम्मद कलाम भाई, डॉ. ढगे उपस्थित होते.

नितीन राऊत यांनी कार्यकर्त्यांना दल दिनाच्या शुभेच्छा दिल्या. राष्ट्रीय सल्लागार परिषदेचे सदस्य कृष्ण कुमार पांडे यांनी सेवादलाचे योगदान व महत्त्व यावर प्रकाश टाकून कार्यकर्त्यांना दल प्रतिज्ञा दिली. शहराध्यक्ष प्रवीण आगरे यांनीही मनोगत व्यक्त केले. प्रास्ताविक विजय वाटकर यांनी केले. संचालन सुनील अग्रवाल तर आभार चिंतामण तिडके यांनी मानले. कार्यक्रमाला नागपूर शहर काँग्रेस सेवा दलाचे कोषाध्यक्ष विजय वाटकर, सतीश तलवारकर, राजेंद्र भोंडे, रवींद्र चौधरी, सोहम सातपुते, संजय हांडे, अजय पांडे, अशोक पालीवार, चंद्रकांत भागवतकर, रामचंद्र भवाळकर, धनराज चरडे, जया बारापात्रे, शीला कठाणे, कल्पना बांगरे, सरस्वती सोनी, युवा ब्रिगेडचे पदाधिकारी व आदी कार्यकर्ते हजर होते.