नागपुरात  भरधाव ट्रकने घेतला इसमाचा बळी

Accident death जगनाडे चौकात मंगळवारी दुपारी ३.३० च्या सुमारास भीषण अपघात घडला. भरधाव ट्रकने रस्ता ओलांडणाऱ्या एका व्यक्तीला जोरदार धडक मारली. त्यामुळे त्याचा जागीच मृत्यू झाला.

लोकमत  न्यूज  नेटवर्क 

नागपूर - जगनाडे चौकात मंगळवारी दुपारी ३.३० च्या सुमारास भीषण अपघात घडला. भरधाव ट्रकने रस्ता ओलांडणाऱ्या एका व्यक्तीला जोरदार धडक मारली. त्यामुळे त्याचा जागीच मृत्यू झाला. शेषराव चुडामण खापेकर (वय ५५, रा. जुना बगडगंज) असे मृताचे नाव आहे,

सूत्रांच्या माहितीनुसार, खापेकर जगनाडे चौकातून मंगळवारी दुपारी रस्ता ओलांडत होते. त्याचवेळी महापालिकेच्या एमएच ४२ - एक्यू ५९०२ क्रमांकाच्या भरधाव ट्रकने त्यांना चिरडले. अपघातानंतर आरोपी ट्रकचालक वाहनासह पळून गेला. या अपघाताने जगनाडे चौकात तणाव निर्माण झाला. पोलिसांनी चौकशी केली असता आरोपीने ट्रक महापालिका कार्यालयात उभा करून पळ काढल्याचे स्पष्ट झाले. याप्रकरणी पोलिसांनी गुन्हा दाखल केला.

ऑटोचालक ठार

 भरधाव ऑटो उलटल्याने ऑटोचालक खुशाल ऊर्फ अंकुश प्रकाश पांडे (वय ३०) याचा मृत्यू झाला. पांडे हिंगण्यातील आयसी चौकाजवळ राहात होता.