वाहनाच्या धडकेत एक ठार, एक जखमी

लाेकमत न्यूज नेटवर्क

रामटेक : भरधाव अज्ञात वाहनाने विरुद्ध दिशेने येणाऱ्या माेटरसायकलला जाेरात धडक दिली. त्यात दुचाकीवरील एकाचा मृत्यू झाला तर दुसरा गंभीर जखमी झाला. ही घटना मनसर-तुमसर मार्गावरील रामटेक शहरालगतच्या अंबाळा परिसरातील वळणावर शुक्रवारी (दि. ४) सायंकाळी ५.३० वाजताच्या सुमारास घडली.

श्यामल चिंधूजी उईके (२७, रा. भेंडाळा, ता. मौदा) असे मृताचे तर निहार श्रावण सरोदे, रा. शिरपूर, ता. रामटेक असे जखमीचे नाव आहे. ते दाेघेही शिरपूर येथून दाहाेदा (घाेटी) येथे लग्नाला गेले हाेते. लग्न आटाेपल्यानंतर दाेघेही एमएच-४०/झेड-८१७९ क्रमांकाच्या माेटरसायकलने दाहाेदा (घाेटी) येथून शिरपूरला परत येत हाेते.

दरम्यान, ते रामटेक शहरालगतच्या अंबाळा येथील वळणावर पाेहाेचताच विरुद्ध दिशेने येणाऱ्या भरधाव अज्ञात वाहनाने त्यांच्या माेटरसायकलला जाेरात धडक दिली. त्यात दाेघांनाही गंभीर दुखापत झाली. घडक देताच वाहनचालक वाहनासह पळून गेला. माहिती मिळताच पाेलिसांनी घटनास्थळ गाठून दाेन्ही जखमींना लगेच रामटेक येथील उपजिल्हा रुग्णालयात आणले. तिथे डाॅक्टरांनी तपासणीअंती श्यामलला मृत घाेषित केले तर निहारवर प्रथमाेपचार करून त्याला नागपूरला रवाना केले. त्याला नागपूर शहरातील शासकीय रुग्णालयात भरती करण्यात आले आहे. याप्रकरणी रामटेक पाेलिसांनी अज्ञात वाहनचालकाविरुद्ध गुन्हा दाखल करून तपास सुरू केला आहे.