अपघातात एकाचा मृत्यू, दाेघे जखमी

लाेकमत न्यूज नेटवर्क

पारशविनी : चालकाचा ताबा सुटल्याने वेगात असलेली माेटरसायकल दुभाजकावर असलेल्या विजेच्या लाेखंडी खांबावर आदळली. यात दुचाकीवरील एकाचा घटनास्थळीच मृत्यू झाला तर दाेघे गंभीर जखमी झाले. ही घटना पारशिवनी शहरात गुरुवारी (दि. १७) रात्री ८.४५ वाजताच्या सुमारास घडली.

तरुण भिलकर (२१, रा. दहेगाव रंगारी, ता. सावनेर) असे मृताचे तर नाव असून, दाेन्ही जखमींची नावे कळू शकली नाहीत. ते तिघेही मित्र असून, एमएच-४०/सीबी-९८९३ क्रमांकाच्या माेटरसायकलने भागेमहारी (ता. पारशिवनी) येथे लग्नाला आले हाेते. तिघेही गुरुवारी रात्री दारू पिण्यासाठी पारशिवनी शहरात ट्रिपल सीट आले हाेते. दारू प्यायल्यानंतर तिघेही याच माेटरसायकलने भागेमहारी येथे जाण्यास निघाले. तरुण माेटरसायकल चालवित हाेता.

शहरातील पारशिवनी-सावनेर मार्गावरील न्यायालय इमारत परिसरातील वळणावर तरुणचा माेटरसायकल ताबा सुटला आणि ते दुचाकीसह दुभाजकातील विजेच्या लाेखंडी खांबावर आदळले. त्यात तिघेही गंभीर जखमी झाले. माहिती मिळताच पाेलिसांनी घटनास्थळी दाखल झाले. ताेवर तरुणचा घटनास्थळीच मृत्यू झाला. पाेलिसांनी दाेन्ही जखमींना उपचार व तरुणचा मृतदेह उत्तरीय तपासणीसाठी स्थानिक ग्रामीण रुग्णालयात नेला. याप्रकरणी पारशिवनी पाेलिसांनी गुन्हा नाेंदवून तपास सुरू केला आहे.