दुचाकीच्या धडकेत एक ठार, महिला जखमी

उमरेड : परस्पर विरुद्ध दिशेने वेगात आलेल्या दाेन माेटरसायकलींच्या धडकेत एका दुचाकीचालकाचा मृत्यू झाला असून, दुचाकीस्वार महिला जखमी झाली. ही घटना उमरेड पाेलीस ठाण्याच्या हद्दीतील रानबाेडी पुनर्वसन परिसरात शुक्रवारी (दि. ४) दुपारी १.३० वाजताच्या सुमारास घडली.

प्रशांत संपत फुलझेले (४८, रा. खैरगाव,) असे मृताचे तर रसिका बावणे असे जखमी महिलेचे नाव आहे. या दाेघांनीही उमरेड शहरातून बियाणे खरेदी केले आणि एमएच-३१/बीएल-७६३२ क्रमांकाच्या माेटरसायकलने खैरगावला जायला निघाले. प्रशांत माेटरसायकल चालवीत हाेते तर रसिका मागे बसली हाेती. दरम्यान, रानबाेडी पुनर्वसन परिसरात विरुद्ध दिशेने वेगात आलेल्या माेटरसायकलने त्यांच्या माेटरसायकलला जाेरात धडक दिली आणि दुचाकीचालक दुचाकीसह पळून गेला. यात प्रशांत व रसिका दाेघेही गंभीर जखमी झाले. माहिती मिळताच पाेलिसांनी घटनास्थळ गाठून दाेन्ही जखमींना उमरेड येथील ग्रामीण रुग्णालयात आणले. तिथे प्रशांतचा उपचारादरम्यान मृत्यू झाला. याप्रकरणी उमरेड पाेलिसांनी अज्ञात दुचाकी चालकाविरुद्ध भादंवि २७९, ३३७, ३०४ (अ) अन्वये गुन्हा दाखल केला असून, या घटनेचा तपास पाेलीस हवालदार जयसिंगपुरे करीत आहेत.