अज्ञात वाहनाच्या धडकेत एकाचा मृत्यू

उमरेड : भरधाव अज्ञात वाहनाने माेटरसायकलला मागून जाेरात धडक दिली. त्यात गंभीर जखमी झालेल्या दुचाकीचालकाचा उपचारादरम्यान मृत्यू झाला. ही घटना उमरेड पाेलीस ठाण्याच्या हद्दीतील उमरेड-गिरड मार्गावरील कवडसी फाटा येथे नुकतीच घडली.

सुधाकर परसराम पवार (३७, रा. मांडवा लभान, ता. भिवापूर) असे मृताचे नाव आहे. सुधाकर माेटरसायकलने काम आटाेपून उमरेडहून मांडवा (लभान) येथे जात हाेता. दरम्यान, कवडसी फाटा पररिसरात मागून वेगात आलेल्या अज्ञात वाहनाने त्याच्या माेटरसायकलला मागून जाेरात धडक दिली. त्यात त्याला गंभीर दुखापत झाल्याने लगेच उमरेड येथील ग्रामीण रुग्णालयात आणले. तिथे प्रथमाेपचार केल्यानंतर त्याला नागपूर येथील मेडिकल हाॅस्पिटलमध्ये भरती करण्यात आले. तिथे उपचारादरम्यान त्याचा मृत्यू झाला. याप्रकरणी उमरेड पाेलिसांनी अज्ञात वाहन चालकाविरुद्ध भादंवि २७९, ३०४ (अ) अन्वये गुन्हा दाखल केला असून, या घटनेचा तपास पाेलीस हवालदार अजितसिंग ठाकूर करीत आहेत.