मराठा, कुणबी मुला-मुलींना परदेशात उच्च शिक्षणाची संधी
By आनंद डेकाटे | Published: July 3, 2024 04:36 PM2024-07-03T16:36:11+5:302024-07-03T16:37:10+5:30
Nagpur : अर्ज करण्याची अंतिम मुदत ३० जुलै
Opportunity for Maratha, Kunbi boys and girls to get higher education abroad
लोकमत न्यूज नेटवर्क
नागपूर : मराठा, कुणबी मुला-मुलींसाठी छत्रपती शाहू महाराज संशोधन, प्रशिक्षण व मानव विकास संस्था (सारथी) पुणे यांच्यामार्फत “महाराजा सयाजीराव गायकवाड-सारथी गुणवंत मुला-मुलींना परदेशात उच्च शिक्षणासाठीशिष्यवृत्ती योजना‘ २०२४-२५ करिता ३० जुलै पर्यंत अर्ज मागविण्यात आले आहेत.
चालू शैक्षणिक वर्षात पदव्युत्तर पदवी, पदव्युत्तर पदविका आणि संशोधनात्मक अभ्यासक्रमाकरिता (पीएचडी) क्युएस जागतिक मानांकन क्रमवारीत २०० च्या आत असणाऱ्या व परदेशात शैक्षणिक संस्थेमध्ये प्रवेश घेतला असेल अशा विद्यार्थ्यांकरिता नियोजन विभागांतर्गत ही शिष्यवृत्ती योजना राबविण्यात येत आहे. या योजनेंतर्गत पात्र उमेदवारांना शैक्षणिक वर्ष २०२४-२५ करिता अर्ज करण्यासाठी ३० जुलै २०२४ अंतिम मुदत असून जास्तीत-जास्त लक्षित गटातील विद्यार्थ्यांनी या योजनेचा लाभ घ्यावा, असे आवाहन सारथी नागपूरचे उपव्यवस्थापकीय संचालक तथा उपविभागीय अधिकारी सुरेश बगळे यांनी केले आहे. या योजनेविषयी विस्तृत माहिती सारथीच्या https://sarthi-maharashtragov.in/ या संकेतस्थळावर उपलब्ध आहे.