राग अनावर झाल्याने पत्नीने केली पतीची हत्या

Nagpur News पत्नीने पतीच्या मानेवर कुऱ्हाडीने वार करून त्याची हत्या केली. ही घटना काटाेल पाेलीस ठाण्याच्या हद्दीतील खंडाळा (खुर्द) येथे घडली असून, पाेलिसांनी आराेपी पत्नीस अटक केली आहे.

ठळक मुद्देआराेपी पत्नी अटकेतचारित्र्यावरील संशयामुळे भांडणे

 

लाेकमत न्यूज नेटवर्क

नागपूर : चारित्र्यावरील संशयामुळे पती-पत्नीमध्ये भांडणे व्हायची. याच कारणावरून दाेघांमध्ये बुधवारी (दि. ११) रात्री भांडण झाले आणि पत्नीने पतीच्या मानेवर कुऱ्हाडीने वार करून त्याची हत्या केली. ही घटना काटाेल पाेलीस ठाण्याच्या हद्दीतील खंडाळा (खुर्द) येथे घडली असून, पाेलिसांनी आराेपी पत्नीस अटक केली आहे. न्यायालयाने तिला दाेन दिवसांची पाेलीस काेठडी सुनावली आहे.

सुकलसिंग माखनसिंग सकाेम (४९, रा.खंडाळा खुर्द, ता. काटाेल) असे मृताचे नाव आहे. सुकलसिंग त्याच्या ४४ वर्षीय पत्नीच्या चारित्र्यावर संशय घेत असल्याने त्यांच्यात नेहमीच भांडणे व्हायची. दाेघांमध्ये याच कारणावरून बुधवारी रात्री १० वाजताच्या सुमारास भांडणाला सुरुवात झाली. राग अनावर झाल्याने तिने घरातील काेपऱ्यात पडलेली कुऱ्हाड उचलली आणि सुकलसिंगच्या मानेवर वार केले.

यात सुकलसिंगचा घटनास्थळीच मृत्यू झाला. माहिती मिळताच पाेलिसांनी घटनास्थळ गाठून मृतदेह उत्तरीय तपासणीसाठी काटाेल येथील ग्रामीण रुग्णालयात पाठविला. शिवाय, गुन्ह्याची कबुली दिल्याने आराेपी पत्नीला अटक केली. तिला गुरुवारी (दि. १२) दुपारी काटाेल येथील प्रथमश्रेणी न्यायालयात हजर केले हाेते. त्यायालयाने तिला दाेन दिवसांची अर्थात शनिवार(दि. १४)पर्यंत पाेलीस काेठडी सुनावली आहे.

तिच्याकडून तिने हत्या करण्यासाठी वापरलेली कुऱ्हाड व अंगावरील कपडे जप्त केल्याची माहिती तपास अधिकारी तथा पाेलीस उपनिरीक्षक आकाश शाही यांनी दिली. याप्रकरणी काटाेल पाेलिसांनी खंडाळा (खुर्द) येथील उपसरपंच हेमेंद्र चरडे (२९) यांच्या तक्रारीवरून भादंवि ३०२ अन्वये गुन्हा नाेंदविला आहे.