बकऱ्या चोरांच्या टोळीला गेले गजाआड, दोन चोरटे फरार

पाचपावली पोलिसांची कारवाई

नागपूर : नागरिकांच्या बकºया चोरी करणाºया टोळीला पाचपावली पोलिसांनी अटक केली असून या टोळीतील दोन आरोपी फरार आहेत. अटक केलेल्या आरोपीत एका मांस विकेत्याचा समावेश आहे.

शेख जुबेर शेख नसीम (३५, फारूकनगर), मोहम्मद समीर साबीर शेख (२६, महेंद्रनगर) व अक्षय उर्फ मोंटु विनोद माहुरे (२५, तांडापेठ) अशी अटक करण्यात आलेल्या आरोपींची नावे आहेत. यातील आरोपी अक्षय हा मांस विक्रेता आहे. यातील विनोद माहुरे व शेख अज्जु हे आरोपी फरार आहेत. काही दिवसांपूर्वी रुपा सुरेश आडले (४०,बैरागीपुरा) यांच्या तीन बकºया चोरीला गेल्या होत्या. त्यांनी पाचपावली पोलिस ठाण्यात या बाबत तक्रार दिली होती. पोलिसांनी चोरीचा गुन्हा दाखल करून तपास सुरु केला.

पोलिस उपायुक्त गोरख भामरे, सहाय्यक पोलिस आयुक्त सचिन थोरबोले यांच्या मार्गदर्शनाखाली वरिष्ठ पोलिस निरीक्षक वैभव जाधव, उपनिरीक्षक विकास मनपिया, हेड कॉन्स्टेबल विजय यादव, शिपाई वासुदेव जयपूरकर, अंकुश राठोड, गणेश ठाकरे, आशिष बावणकर, पद्माकर उके यांनी सीसीटीव्हीच्या आधारे शोध घेऊन तीन आरोपींना अटक केली. आरोपींकडून कार, मोबाईल व बुलेटसह ५.५० लाखांचे साहित्य जप्त करण्यात आले आहे. आरोपींनी रामटेक, तारसा, कामठी, वडधामना येथूनही बकºया चोरी केल्याचे उघड झाले आहे.