करंट लागल्यामुळे पेंटरचा मृत्यू

नागपूर : घराच्या भिंतीला रंग देत असताना करंट लागल्यामुळे रतिराम ऊर्फ छोटू रामचंद्र बोपचे ( वय ५४, रा. दाभा) यांचा करून अंत झाला. मानकापूर पोलीस ठाण्याच्या हद्दीतील कीर्तीधर हाैसिंग सोसायटीमध्ये वर्गीस यांच्या घरी मंगळवारी सकाळी ११.१५ वाजता ही घटना घडली. विनेश जयदेव कंगलवार यांनी दिलेल्या माहितीवरून मानकापूर पोलिसांनी अकस्मात मृत्यूची नोंद केली. पुढील तपास सुरू आहे.

---

चाकूहल्ला करून रक्कम लुटली

नागपूर : दोन गुंडांनी एका तरुणावर चाकूहल्ला करून त्याच्या जवळचे साडेनऊ हजार रुपये लुटून नेले. कळमना पोलीस ठाण्याच्या हद्दीत सोमवारी रात्री ७ च्या सुमारास ही घटना घडली. मोहम्मद इरफान मोहम्मद रफी शेख हा त्याच्या मित्रासोबत दिवसभर केलेल्या कामाच्या पैशाचा हिशोब कळमन्यात बसून करत असताना आरोपी बंटी ऊर्फ सय्यद शहजाद अली तसेच सोबू ऊर्फ सोहेल शेख खलील शेख हे दोघे तेथे आले. त्यांनी इरफानला शिवीगाळ करून दोनवेळा त्याच्यावर चाकू फिरवला. त्यानंतर कमरेवर वार करून त्याला खाली पाडले. तोंडावरही चाकू मारून त्याच्या खिशातील ९५०० रुपये हिसकावून आरोपी पळून गेले. जखमी इरफानने पोलीस ठाण्यात तक्रार नोंदविली. पोलिसांनी गुन्हा दाखल केला असून आरोपींचा शोध घेतला जात आहे.

---

महिलेने लावला गळफास

नागपूर : येथील मोठा ताजबाग परिसरात हिंदीबनमध्ये राहणाऱ्या नसरीन मोहम्मद इरफान (३२) यांनी गळफास लावून आत्महत्या केली. सोमवारी दुपारी ४ च्या सुमारास ही घटना घडली. मोहम्मद इरफान अब्दुल जब्बर यांनी दिलेल्या तक्रारीवरून सक्करदरा पोलिसांनी सोमवारी सायंकाळी अकस्मात मृत्यूची नोंद केली. पुढील तपास सुरू आहे.

----