पॅरामेडिकलचे विद्यार्थी संपावर

‘बॅचलर आॅफ पॅरामेडिकल टेक्नालॉजी’ (बीपीएमटी) पदवी अभ्यासक्रमाला वाव मिळत नसल्याचे कारण देत शासनाने या नावात बदल करुन ‘बीएससी इन पॅरामेडिकल टेक्नालॉजी’ला मंजुरी देण्यात आल्याने याचा फटका ....

ठळक मुद्दे‘बीपीएमटी’ विषयालाच प्राधान्य देण्याची मागणी : मोर्चा, निदर्शने करून वेधले लक्ष

लोकमत न्यूज नेटवर्क
नागपूर : ‘बॅचलर आॅफ पॅरामेडिकल टेक्नालॉजी’ (बीपीएमटी) पदवी अभ्यासक्रमाला वाव मिळत नसल्याचे कारण देत शासनाने या नावात बदल करुन ‘बीएससी इन पॅरामेडिकल टेक्नालॉजी’ला मंजुरी देण्यात आल्याने याचा फटका ‘बीपीएमटी’ अभ्यासक्रमाच्या विद्यार्थ्यांना बसत आहे. गुणवत्ता असूनही विद्यार्थी पदभरतीपासून दूर आहेत. यामुळे ‘बीपीएमटी’ विषयालाच प्राधान्य द्या, या मागणीला घेऊन नागपूर मेयो, मेडिकल, अकोला व यवतमाळ मेडिकलमधील ६०० वर पॅरामेडिकल विद्यार्थी मंगळवारपासून संपावर गेले.
पॅरामेडिकल स्टुडंट वेलफेअर असोसिएशनने मागण्यांना घेऊन आज सकाळी अधिष्ठाता कार्यालयासमोर धरणे-आंदोलन केले. त्यानंतर संविधान चौकापर्यंत मोर्चा काढून नारे-निदर्शने केली. येथून पोलिसांच्या मदतीने मुख्यमंत्री सचिवालयात मागण्यांचे निवेदन सादर केले. यावेळी उपस्थित अधिकाºयांनी मुख्यमंत्र्यांशी चर्चा घडवून आणण्याचे आश्वासन दिल्याचे असोसिएशनचे अध्यक्ष अक्षय गायधने यांनी सांगितले.
‘लोकमत’शी बोलताना गायधने म्हणाले, वैद्यकीय क्षेत्रात पाठीचा कणा मानला जाणारा निमवैद्यकीय तंत्रज्ञाची (पॅरामेडिकल टेक्नालॉजिस्ट) भूमिका महत्त्वाची असते. या अभ्यासक्रमाला वाव मिळण्यासाठी २०१० पासून ‘बीपीएमटी’ हा पदवी अभ्यासक्रम महाराष्टÑ आरोग्य विज्ञान विद्यापीठ, नाशिक अंतर्गत सुरू करण्यात आला. राज्यातून दरवर्षी पाच हजार विद्यार्थी शिक्षण पूर्ण करू नोकरीच्या शोधात आहे. परंतु राज्य शासनाने या पदवी अभ्यासक्रमाला मान्यताच दिली नाही. तसेच कोणत्याही शासकीय व जिल्हापातळीवर पदे भरती रोजगाराच्या शैक्षणिक अर्हताबाबत उल्लेखही केला नाही. ‘बीपीएमटी’ पदवी अभ्यासक्रमाला कोणत्याही प्रकारचा वाव नसल्याने नावात बदल करून ‘बीएससी इन पॅरामेडिकल टेक्नालॉजी’ करण्यात आले. वैद्यकीय सेवेसाठी महत्त्वाचे असलेले ‘अ‍ॅनाटॉमी’, ‘पॅथालॉजी’, फार्मोकॉलॉजी’ व ‘बायोकेमेस्ट्री’ हे विषय विद्यार्थी घेऊन हा अभ्यासक्रम पूर्ण करतात. परंतु रिक्त जागेवर पदभरती करताना २०११ च्या शासन निर्णयातील शैक्षणिक अर्हता भौतिकशास्त्र, जीवशास्त्र व रसायनशास्त्रात ‘बीएससी’ व माध्यमिक शिक्षण प्रमाणपत्र परीक्षा उत्तीर्ण असलेल्यांच्या पात्रतेवर करून घेतात. याचाच फटका अनेक विद्यार्थ्यांना बसत आहे.

मंत्र्यांपासून अधिकाºयांचे दुर्लक्ष
या समस्येवर तोडगा काढण्यासाठी संबंधित विभागाच्या मंत्र्यांपासून ते अधिकाºयांपर्यंत निवेदन देण्यात आले. परंतु आश्वासनापलीकडे हाती काहीच लागले नसल्याने संपाचे हे हत्यार उपसावे लागले, असेही गायधने म्हणाले. या मोर्चाला भारतीय कामगार संघटनेचे जिल्हा संघटक बंडू तळवेकर यांनी पाठिंबा दिला. मोर्चाचे नेतृत्व अक्षय गायधने, उपाध्यक्ष किरण वर्धने, सचिव ग्रोशील टेंभुर्णे, कीर्तीवंत सिन्हागडे यांनी केले.
१४ आॅक्टोबरपर्यंत संप
गायधने म्हणाले, शासनाचे लक्ष वेधण्यासाठी राज्यभरातील पॅरामेडिकलचे सर्व विद्यार्थी १० ते १४ आॅक्टोबरपर्यंत संपावर जातील. त्यानंतरही शासनाने मागण्या मान्य न केल्यास हिवाळी अधिवेशनाच्या दरम्यान सर्व विद्यार्थी नागपुरात बेमुदत उपोषणाला बसतील.