दुचाकीच्या धडकेत पादचारी ठार

लाेकमत न्यूज नेटवर्क

काेंढाळी : भरधाव दुचाकीने पायी राेड ओलांडणाऱ्या तरुणास जाेरात धडक दिली. त्यात त्या तरुणाचा घटनास्थळीच मृत्यू झाला, तर दुचाकीचालक खाली काेसळल्याने जखमी झाला. ही घटना काेंढाळी (ता. काटाेल) पाेलीस ठाण्याच्या हद्दीतील नागपूर-अमरावती राष्ट्रीय महामार्गावरील सातनवरी शिवारात शुक्रवारी (दि. २२) दुपारी १२.३० वाजताच्या सुमारास घडली.

उमेश दमडू चवारे (३६, रा. नेरी-मानकर, ता. हिंगणा) असे मृताचे तर राहुल बापूराव गाते (३२, रा. वाघुरी-रुडी, ता. वरुड, जिल्हा अमरावती) असे जखमी दुचाकीचालकाचे नाव आहे. राहुल त्याच्या दुचाकीने (एमएच-३१/डीजे-१७८१) नागपूरहून काेंढाळीकडे येत हाेता. ताे सातनवरील शिवारात पाेहाेचताच उमेश पायी राेड ओलांडत असताना त्यांच्या भरधाव दुचाकीची उमेशला जाेरात धडक लागल्याने ताे दूरवर फेकला गेल्याने त्याच्या डाेक्याला गंभीर दुखापत झाली.

त्यात उमेशचा घटनास्थळीच मृत्यू झाला, तर राहुल दुचाकीसह खाली काेसळल्याने गंभीर जखमी झाला. माहिती मिळताच पाेलिसांनी घटनास्थळ गाठले. त्यांनी जखमी राहुलला उपचारासाठी नागपूर येथील मेडिकल हाॅस्पिटलमध्ये भरती केले, तर उमेशचा मृतदेह उत्तरीय तपासणीसाठी काटाेल येथील ग्रामीण रुग्णालयात पाठविला. याप्रकरणी काेंढाळी पाेलिसांनी गुन्हा नाेंदविला असून, तपास हेडकाॅन्स्टेबल पुरुषाेत्त्म धांडे व पन्नालाल बटाऊवाले करीत आहेत.