जिनेंद्र भगवान यांचा पंचामृत अभिषेक उत्साहात करा

नागपूर : जिनेंद्र भगवन यांचा पंचामृत अभिषेक अत्यंत उत्साहाने आणि थाटात साजरा करा, यातून आनंदीआनंद फुलवा, असे आवाहन आचार्यश्री पदमनंदी गुरुदेव यांनी केले. विश्व शांती अमृत वर्धमानोत्सवांतर्गत श्री धर्मराजश्री तपोभूमी दिगंबर जैन ट्रस्ट आणि धर्मतीर्थ विकास समितीच्यावतीने ऑनलाईन समारोह सुरू आहे. यात ते मार्गदर्शन करीत होते.

आचार्यश्री म्हणाले, भगवानाची पूजा अष्टद्रव्याने करावी. जिनेंद्र भगवान यांच्या पूजेतून चैतन्य आणि आनंद निर्माण होईल. शीतल जलाने भगवतांचा अभिषेक करावा. प्रतिदिन जिनेंद्र भगवान यांची आराधना आणि भक्ती करा. यातूनच सर्वांचे कल्याण होईल. कल्याणाचा हाच एकमेव मार्ग आहे.

यापूर्वी आचार्यश्री गुप्तिनंदीजी गुरुदेव यांनी आपले शिक्षागुरु आचार्यश्री पदमनंदीजी यांच्या चरणी नमोस्तु केले. धर्मतीर्थ क्षेत्रावर सिद्ध प्रतिमांचा ऑनलाईन पंचकल्याणक प्रतिष्ठा महोत्सव याच वेळी प्रारंभ झाला. भगवान महावीर स्वामी यांच्या जन्मकल्याणकासोबतच याचा समारोप होणार आहे. धर्मसभेचे संचालन आर्यिका आस्थाश्री माताजी यांनी केले.