केबल तुटल्याने विद्यापीठ परिसरातील वीज गुल ()

नागपूर : सिमेंट रोडच्या कामासाठी खोदकाम करीत असताना भूमिगत वीज लाईनचे केबल तुटल्याने अमरावती रोडवरील विद्यापीठ परिसरातील वीज अनेक तस बंद राहिली. विद्यापीठातील वीज पुरवठाही खंडित झाला.

गुरुवारी सकाळी सिमेंट रोडसाठी खोदकाम केले जात होते. भूमिगत वीज लाईनची माहिती न घेताच हे काम सुरु होते. दरम्यान सकाळी ११ वाजता अंबाझरी टी प्वाइंटजवळ वीज केबल तुटले. याच लाईनवरून विद्यापीठ कॅम्पस सब स्टेशनला वीज पुरवठा होतो. त्यामुळे या सब स्टेशनशी जुळलेल्या परिसरातील वीज गुल झाली. आपात्कालीन परिस्थितीत या सब स्टेशनला गोरेवाडा सब स्टेशनवरून पुरवठा करण्याची व्यवस्था असते. परंतु गोरेवाडा सब स्टेशनमध्ये मेन्टेनन्सचे काम सुरु असल्याने ते शक्य होऊ शकले नाही. काही परिसरातील वीज पुरवठा सुरळीत करण्यास यश आले. परंतु बहुतांश भागातील वीज सायंकाळपर्यंत बंद होती. भरतनगर, रविनगर, हिंदुस्तान कॉलनी, अमरावती रोड परिसरातील भाग प्रभावित राहिला. दुरुस्तीचा सर्व खर्च मनपा कंत्राटदाराने केला.