सव्वा लाखाचे मंगळसूत्र लंपास

पूनम मनोज मगरे (वय ३२) वाठोड्यातील चैतन्येश्वर नगरात राहतात. सोमवारी दुपारी २.३० च्या सुमारास त्या साडीची पिकोफॉल घेण्यासाठी बाजूच्या दुकानात आल्या होत्या. परत घरी जात असताना अचानक स्प्लेंडरवर आलेल्या एका भामट्याने त्यांच्या गळ्यातील सोन्याचे मंगळसूत्र हिसकावून नेले. या मंगळसूत्राची किंमत १ लाख २५ हजार आहे. पूनम यांनी दिलेल्या तक्रारीवरून वाठोडा पोलिसांनी जबरी चोरीचा गुन्हा दाखल केला. आरोपीचा शोध घेतला जात आहे.

----

कळमन्यातील युवती बेपत्ता

नागपूर : कळमन्यातील १७ वर्षीय युवती सोमवारी सकाळी ११ वाजता पासून बेपत्ता आहे. तिला फूस लावून पळवून नेले असावे, असा संशय आहे. पालकांच्या तक्रारीवरून कळमना पोलिसांनी अपहरणाचा गुन्हा दाखल केला.

---शूज घ्यायला गेलेली मुलगी बेपत्ता

नागपूर : शूज घ्यायला जातो असे सांगून सीताबर्डीकडे गेलेली १७ वर्षांची युवती दोन दिवस झाले तरी घरी परत आली नाही. तिला फूस लावून पळवून नेल्याचा संशय असून, पालकांनी दिलेल्या तक्रारीवरून प्रतापनगर पोलिसांनी अपहरणाचा गुन्हा दाखल केला. आरोपीचा शोध घेतला जात आहे.

---