विधी सेवा संमेलनाच्या उद्घाटनासाठी रविशंकर प्रसाद येणार

राज्य विधी सेवा प्राधिकरणांच्या १७ व्या अखिल भारतीय संमेलनाचे केंद्रीय विधी व न्याय मंत्री रविशंकर प्रसाद यांच्या हस्ते उद्घाटन करण्यात येणार आहे. हे दोन दिवशीय संमेलन १७ व १८ ऑगस्ट रोजी वर्धा रोडवरील हॉटेल रेडिसन ब्ल्यू येथे होणार आहे. या संमेलनात देशभरातील १०० वर न्यायाधीश सहभागी होतील.

ठळक मुद्देनागपूरला पहिल्यांदाच मानदेशभरातील १०० वर न्यायाधीश होणार सहभागी

लोकमत न्यूज नेटवर्क
नागपूर : राज्य विधी सेवा प्राधिकरणांच्या १७ व्या अखिल भारतीय संमेलनाचे केंद्रीय विधी व न्याय मंत्री रविशंकर प्रसाद यांच्या हस्ते उद्घाटन करण्यात येणार आहे. हे दोन दिवशीय संमेलन १७ व १८ ऑगस्ट रोजी वर्धा रोडवरील हॉटेल रेडिसन ब्ल्यू येथे होणार आहे. या संमेलनात देशभरातील १०० वर न्यायाधीश सहभागी होतील.
उद्घाटन कार्यक्रमाला १७ ऑगस्ट रोजी सकाळी १०.१५ वाजता सुरुवात होईल. याप्रसंगी मुख्यमंत्री देवेंद्र फडणवीस, सर्वोच्च न्यायालयाचे न्यायमूर्ती शरद बोबडे, न्यायमूर्ती एन. व्ही. रामना, मुंबई उच्च न्यायालयाचे मुख्य न्यायमूर्ती प्रदीप नांदराजोग, न्यायमूर्ती एस. सी. धर्माधिकारी व नागपूर खंडपीठाचे प्रशासकीय न्यायमूर्ती रवी देशपांडे प्रमुख अतिथी म्हणून उपस्थित राहतील. त्यानंतर राज्य विधी सेवा प्राधिकरणे आणि उच्च न्यायालय विधी सेवा समित्यांचे अध्यक्ष व सचिवांच्या बैठकीला सुरुवात होईल. या बैठकीत न्यायव्यवस्था अधिक प्रभावी करणे, समाजातील गरजू व्यक्तींना नि:शुल्क व सक्षम विधी सेवा उपलब्ध करून देणे, कारागृहात विधी सेवा, गुन्हे पीडितांना भरपाई, पर्यायी वाद निवारण यंत्रणा इत्यादी मुद्यांवर चर्चा करून आवश्यक निर्णय घेतले जातील. १८ ऑगस्ट रोजी दुपारी १२.१५ वाजता समारोपीय कार्यक्रम होईल. या कार्यक्रमात सर्वोच्च न्यायालयाचे प्रधान न्यायमूर्ती रंजन गोगोई मुख्य अतिथी म्हणून उपस्थित राहणार आहेत. हे संमेलन आयोजित करण्याचा मान नागपूरला पहिल्यांदाच मिळाला आहे.