शेवटच्या घटकापर्यंत पोहोचून पक्ष संघटन बळकट करा

कामठी : युवा मोर्चाच्या कार्यकर्त्यांनी केंद्र सरकारच्या विविध सामाजिक योजना समाजातील शेवटच्या घटकापर्यंत पोहोचवून पक्ष संघटन अधिक बळकट करावे, असे आवाहन भाजपचे प्रदेश महासचिव चंद्रशेखर बावनकुळे यांनी केले. कामठी येथील सिंहासन हनुमान मंदिर सभागृह, तेलीपुरा येथे भाजप युवा मोर्चाच्या वतीने शुक्रवारी समर्थ बूथ व युवा वाॅरियर्स कार्यकर्ता मेळाव्याचे आयोजन करण्यात आले होते. त्यात बावनकुळे यांनी कार्यकर्त्यांशी संवाद साधला. आमदार टेकचंद सावरकर, प्रदेश भाजप युवा मोर्चाचे सदस्य संकेत बावनकुळे, जिल्हा उपाध्यक्ष नरेश मोटघरे, जिल्हा परिषदेचे माजी विरोधी पक्षनेते अनिल निधान, युवा मोर्चाचे जिल्हाध्यक्ष आदर्श पटले, जिल्हा परिषद सदस्य मोहन माकडे, पंचायत समितीचे सभापती उमेश रडके, तालुका भाजप अध्यक्ष किशोर बेले, महिला आघाडीच्या अध्यक्षा मंगला कारेमोरे आदी याप्रसंगी उपस्थित होते. ग्रामीण भागातील नागरिकांच्या समस्या सरकार दरबारी लावून धरण्यासाठी कार्यकर्त्यांनी नेहमीच सज्ज राहण्याचे आवाहन बावनकुळे यांनी याप्रसंगी केले. मेळाव्याला उपस्थित पदाधिकाऱ्यांनी यावेळी विचार मांडले.

----

देवेंद्र गवते, माजी सरपंच, मनीष कारेमोरे, किरण राऊत आदी याप्रसंगी उपस्थित होते.