लग्नाची फूस, तरुणीवर वारंवार लैंगिक अत्याचार; १५ दिवस काेंडून ठेवले
By लोकमत न्यूज नेटवर्क | Published: October 29, 2022 03:24 PM2022-10-29T15:24:24+5:302022-10-29T15:25:38+5:30
आराेपीचा शाेध सुरू
लग्नाची फूस, तरुणीवर वारंवार लैंगिक अत्याचार; १५ दिवस काेंडून ठेवले
Next नागपूर : तरुणीस लग्न करण्याची बतावणी करीत अमरावती जिल्ह्यात नेले. तिथे १५ दिवस काेंडून ठेवत व चाकूचा धाक दाखवून तिच्यावर वारंवार लैंगिक अत्याचार करण्यात आला. ही घटना कळमेश्वर शहरात नुकतीच घडली असून, आराेपीचा शाेध सुरू असल्याची माहिती पाेलीस अधिकाऱ्यांनी दिली.
शिवा ऊर्फ राहुल किसन चाैधरी (२५, रा. आष्टी, जिल्हा वर्धा), असे आराेपीचे नाव आहे. शिवा मागील काही महिन्यांपासून डाेरली (भिंगारे), ता. काटाेल येथे राहायचा. याच काळात त्याची कळमेश्वर शहरातील एका तरुणीशी ओळख झाली. त्याने तिला लग्न करण्याची बतावणी करीत तिला २ सप्टेंबर राेजी माेटारसायकलवर बसविले आणि ब्राह्मणवाडा (गाेविंदपूर), जिल्हा अमरावती येथील भाेंगाडे वाड्यात नेले.
त्याने तिला त्या वाड्यातील खाेलीत १५ दिवस काेंडून ठेवले. एवढेच नव्हे, तर मी तुझ्यावर प्रेम करताे. तुला अशीच साेडणार नाही. असे म्हणत व चाकूचा धाक दाखवीत तिच्यावर लैंगिक अत्याचार केला. शिवाय, जिवे मारण्याची धमकीही दिली. त्याच्या तावडीतून सुटका केल्यानंतर तिने कळमेश्वर शहर गाठले व त्याच्याविराेधात पाेेलिसांत तक्रार दाखल केली. याप्रकरणी कळमेश्वर पाेलिसांनी शिवा चाैधरी याच्याविराेधात गुन्हा नाेंदवून तपास सुरू केला आहे.